«Jas Otan» جول كارتاسىنىڭ 216 جوباسىن جارييالادى. وندا ەربٸر ٶڭٸر, قالا جەنە اۋدان بويىنشا جاستاردىڭ نەگٸزگٸ پروبلەمالارىن شەشۋگە قاتىستى ناقتى شارالار كٶرسەتٸلگەن. قازاقستاندىق جاستار اتالعان قۇجاتپەن تانىسىپ قانا قويماي, سونىمەن قاتار, jasotan.kz جەنە primaries.kz سايتتار ارقىلى ٶز ۇسىنىستارىن جولداي الادى, دەپ حابارلايدى "ۇلت اقپارات" «Nur Otan» پارتيياسىنىڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ حابارلاۋىنشا, پارتييا كٶشباسشىسى نۇرسۇلتان نازارباەۆتىڭ تاپسىرماسىنا سەيكەس «Nur Otan» پارتيياسىنىڭ جاس جاقتاستارى قازاقستاندىق جاستاردى قولداۋعا ارنالعان «جاستار-وتانعا!» 5 جىلدىق باعدارلاماسىن ەزٸرلەگەن. ول ٷزدٸك ەلەمدٸك تەجٸريبەلەردٸ جەنە بٷكٸل ەل بويىنشا جاستاردىڭ 3 مىڭنان استام ۇسىنىسىن ەسكەرە وتىرىپ دايىندالعان.
باعدارلامادا جۇمىستىڭ نەگٸزگٸ باعىتتارى, ونىڭ ٸشٸندە قولجەتٸمدٸ باسپانا مەن جاس وتباسىلاردى قولداۋ, جۇمىسقا ورنالاستىرۋ جەنە جۇمىسپەن قامتۋ مەسەلەلەرٸ كٶرسەتٸلسە, ال جول كارتاسى – بۇل ناقتى كٷندەرٸ مەن ماقساتتى ينديكاتورلارى كٶرسەتٸلگەن ٶزٸندٸك شەبەرلٸك جوسپارى.
مەسەلەن, ەلوردادا تۇرعىن ٷي مەسەلەسٸن شەشۋمەن قاتار, دارىندى جاستارعا گرانت بٶلۋ, سپورت نىساندارىنا جەڭٸلدٸكپەن قولجەتٸمدٸلٸكتٸ كەڭەيتۋ, اتا-اناسىنىڭ قامقورلىعىنسىز قالعان جەنە ينتەرناتتان شىققان جاستارعا قولداۋ كٶرسەتۋ جەنە ت.ب. كٶزدەلگەن.
جامبىل وبلىسىندا 2021 جىلدان باستاپ جاس وتباسىلارعا ارنالعان مەملەكەتتٸڭ قاتىسۋىمەن سالىناتىن تۇرعىن ٷي ساتىپ الۋ ٷشٸن «ەۋليەاتا جاستارى» نەسيەلەۋ باعدارلاماسىن ٸسكە قوسۋ جوسپارلانىپ وتىر. جاستاردى جۇمىسپەن قامتۋ مەسەلەسٸمەن الماتى وبلىسىنداعى جاسوتاندىقتار بەلسەندٸ اينالىسۋعا نيەتتٸ. ٶڭٸرلٸك باعدارلاما جىل سايىن 10 مىڭعا جۋىق جاستى جۇمىسپەن قامتۋعا ۋەدە بەرەدٸ.
قوستاناي وبلىسىندا بۇقارالىق سپورتتى دامىتۋعا ەرەكشە كٶڭٸل بٶلٸندٸ. 2025 جىلعا دەيٸن باعدارلامانى ٸسكە اسىرۋ اياسىندا جاساندى جابىنى بار 30 شاعىن فۋتبول الاڭى, 10 ستريتبول الاڭى, ستريت-ۆوركاۋت الاڭدارى, وبلىستىڭ قالالارى مەن اۋداندارىندا 29 حوككەي كورتى سالىنباق.
«جاستار-وتانعا!» باعدارلاماسىنىڭ جول كارتاسىندا جاستار كەسٸپكەرلٸگٸن دامىتۋعا ەرەكشە نازار اۋدارىلدى.
ايتالىق, ماڭعىستاۋ وبلىسىندا جىل سايىن 500 جاس «باستاۋ بيزنەس» باعدارلاماسى بويىنشا ٶز ٸسٸن جٷرگٸزۋدٸ تەگٸن وقي الادى. سونداي-اق, ٶڭٸردٸڭ جاس كەسٸپكەرلەرٸ ٷشٸن نەسيەلەر بويىنشا مٶلشەرلەمەلەردٸ تٶمەندەتۋ جەنە مەملەكەتتٸك سۋبسيدييالارعا قولجەتٸمدٸلٸكتٸ كەڭەيتۋ جوسپارلانۋدا.
بٸلٸم بەرۋ جەنە تۇلعالىق ٶسۋ سالاسى ٶڭٸرلٸك باعدارلامالاردا دا ەسكەرٸلگەن.
تاراز قالاسىندا جاستار ساياساتى مەكتەبٸنٸڭ بازاسىندا جىل سايىن 70 ادام تاعىلىمدامادان ٶتەدٸ. 2023 جىلى «SMART» وقۋ ورتالىعىن اشۋ كٶزدەلٸپ وتىر.
2025 جىلعا دەيٸنگٸ «جاستار-وتانعا!» باعدارلاماسىن جىل سوڭىنا دەيٸن بەكٸتۋ جوسپارلانعان. وعان دەيٸن جوبا جاستار اراسىندا, ونىڭ ٸشٸندە «Nur Otan» پارتيياٸشٸلٸك پرايمەريزدەرٸندەگٸ پٸكٸرسايىستار اياسىندا تالقىلانباق.
.jpeg)