Braziliia - COVID-19-dan ólim-jitim jaittary boiynsha álemde ekinshi orynda. Rio-de-Janeiroda zirattarda oryndardyń bolmaýyna bailanysty qaitys bolǵandardy jerleý úshin jańa keshen salynýda, dep habarlaidy "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Elde koronavirýstyq infektsiiasynyń taralýy sheńberinde Braziliianyń sanitariialyq qyzmet ókilderi áielderge múmkindiginshe júktilikti keiinge qaldyrýǵa keńes berýde.
Al Izrailde kóshede mindetti maska taǵyp júrý erejesi kúshin joidy. Eldiń densaýlyq saqtaý ministrligi koronavirýstyq infektsiianyń taralý deńgeii tómen ekenin atap ótti. Ǵimarattarda jeke qorǵanys quralyn taǵý áli de mindetti bolyp tabylady.
Frantsiia biligi Argentina, Braziliia, Chili jáne Ońtústik Afrikadan kelgenderge mindetti karantin engizbek. Shekteý sharalary osy jyldyń 24 sáýirinen bastap kúshine enedi.
