Izrail biligi jeksenbi kúni dalada maska taǵyp júrý erejesin alyp tastady. Vaktsinalaý boiynsha álemde birinshi orynda turǵan elde koronavirýs juqtyrǵandar da edáýir azaiyp, shekteý sharalary alyna bastaǵan.
Sáýir aiynyń ortasynda Pfizer/BioNTech vaktsinasynyń eki dozasyn alǵandar (16 jastan asqandarǵa salynǵan) halyqtyń 80 paiyzdan astamyn qurady. Qańtar aiynyń ortasynda kúnine 10 myńnan astam naýqas tirkelgen Izrailde koronavirýs juqtyrǵandar aqpan aiynda azaiyp, keiingi aptalarda kúnine 200-300 adamnan virýs anyqtalyp júr. Aýrýhanaǵa túskender men adam ólimi de azaiǵan. Indet órshigen kezde elde kúnine 100-ge deiin adam ólimi tirkelgen bolsa, qazir bul kórsetkish 10-ǵa túsken.
Premer-ministr Biniamin Netaniahý degenmen "indet aiaqtaldy" dep aitý ázirge erte dep sanaidy.
"Qazir pandemiiadan shyǵý sharalary boiynsha búkil álemnen ozyp kelemiz. Alaida áli de SOVID-19-dy jeńgen joqpyz. Qaityp oralýy da múmkin", - dedi Izrail premer-ministri Biniamin Netaniahý.
Shekaralar áli jabyq, elge kirý boiynsha shekteý sharalary kúshinde tur. Qazir shekteý birtindep alynyp jatyr.
Maska rejimi shamamen bir jyl buryn engizilgen. Biraq jabyq ǵimarat ishinde halyq áli maska taǵyp júrýge mindetti.
