Izrail knesseti Biniamin Netaniahý basqaratyn úkimetke senim bildirdi. Knessettiń 43 depýtaty qoldap, 46-sy qarsy boldy. Izrailde 2019 jyldyń basynan beri turaqty úkimet bolmaǵan.
Bul úkimet Netaniahýdyń "Likýd" partiiasy men Izrail armiiasy bas shtaby bastyǵynyń burynǵy orynbasary Beni Gantstyń "Kahol-Lavan" partiiasy arasyndaǵy koalitsiia kelisiminen keiin quryldy. Eki partiia jetekshisi bir jarym jyldan kezektesip premer-ministr qyzmetin atqaratyn boldy. Osylaisha 18 aidan keiin premer qyzmetine Beni Gants otyrady. Oǵan deiin qorǵanys ministri qyzmetin atqara turady.
Jeksenbi kúni knesset otyrysyn premer-ministr Biniamin Netaniahý ashty. Ol birinshi kezekte kornavirýspen kúreske nazar aýdaratynyn aitty.
Keshege deiin Netaniahýdyń saiasi qarsylasy bolyp kelgen "Kahol Lavan" partiiasynyń jetekshisi Beni Gants bir úkimetke birigýdiń ońai bolmaǵanyn málimdedi.
