يزرايل كنەسسەتٸ بينيامين نەتانياحۋ باسقاراتىن ٷكٸمەتكە سەنٸم بٸلدٸردٸ. كنەسسەتتٸڭ 43 دەپۋتاتى قولداپ, 46-سى قارسى بولدى. يزرايلدە 2019 جىلدىڭ باسىنان بەرٸ تۇراقتى ٷكٸمەت بولماعان.
بۇل ٷكٸمەت نەتانياحۋدىڭ "ليكۋد" پارتيياسى مەن يزرايل ارميياسى باس شتابى باستىعىنىڭ بۇرىنعى ورىنباسارى بەني گانتستىڭ "كاحول-لاۆان" پارتيياسى اراسىنداعى كواليتسييا كەلٸسٸمٸنەن كەيٸن قۇرىلدى. ەكٸ پارتييا جەتەكشٸسٸ بٸر جارىم جىلدان كەزەكتەسٸپ پرەمەر-مينيستر قىزمەتٸن اتقاراتىن بولدى. وسىلايشا 18 ايدان كەيٸن پرەمەر قىزمەتٸنە بەني گانتس وتىرادى. وعان دەيٸن قورعانىس مينيسترٸ قىزمەتٸن اتقارا تۇرادى.
جەكسەنبٸ كٷنٸ كنەسسەت وتىرىسىن پرەمەر-مينيستر بينيامين نەتانياحۋ اشتى. ول بٸرٸنشٸ كەزەكتە كورناۆيرۋسپەن كٷرەسكە نازار اۋداراتىنىن ايتتى.
كەشەگە دەيٸن نەتانياحۋدىڭ ساياسي قارسىلاسى بولىپ كەلگەن "كاحول لاۆان" پارتيياسىنىڭ جەتەكشٸسٸ بەني گانتس بٸر ٷكٸمەتكە بٸرٸگۋدٸڭ وڭاي بولماعانىن مەلٸمدەدٸ.
