Izrail prezidenti Reýven Rivlin Qazaqstannyń Tuńǵysh Prezidenti Nursultan Nazarbaevtyń tezirek saýyǵyp ketýin tileidi, dep habarlaidy "Ult aqparat" Rivlinniń Twitter paraqshasyna silteme jasap.
«Qazaqstannyń Tuńǵysh Prezidenti – Nursultan Nazarbaevtyń tezirek jazylyp ketýin tileimin. Bizdiń eki el keremet qarym-qatynasty jalǵastyryp keledi», - dep jazdy Reývan Rivlin.
Buryn habarlaǵanymyzdai, beisenbi kúni Elbasynyń koronavirýsqa tapsyrǵan PTR-testi onyń naýqas ekenin anyqtady. Qazaqstannyń Tuńǵysh Prezidenti Nursultan Nazarbaev ózin-ózi oqshaýlap jatyr.
QR Tuńǵysh Prezidenti - Elbasynyń baspasóz hatshysy Aidos Úkibai Nursultan Nazarbaevtyń densaýlyǵyn meditsina qyzmetkerleri baqylap otyrǵanyn habarlady. Onyń aitýynsha, alańdaýǵa negiz joq.
Elbasy zamanaýi kommýnikatsiia quraldaryn paidalanyp qashyqtan jumys istep jatyr.
