foto:vesti.az
Qatarda ótken kelissózder barysynda Izrail men HAMAS Gaza sektoryna qatysty kelisimge qol jetkizdi. Bul týraly The Times of Israel basylymyna silteme jasap Ult.kz habarlaidy.
Málimetterge sáikes, Gaza sektorynda oq atýdy toqtatý týraly kelisimniń birinshi kezeńinde 33 izraildik tutqyn bosatylady, al Izrail óz kezeginde palestinalyq tutqyndardy bosatady.
«Izrail men HAMAS 13 qańtar keshinde tutqyndardy bosatý týraly kelisimge qol jetkizdi», — delingen habarlamada.
Kelisimder 19 qańtardan kúshine enedi jáne úsh satydan turady. Bul kelissózderde AQSh, Katar jáne Egipet kepildik jasaǵany jasaǵany jáne bul kelisim Taiaý Shyǵystaǵy 15 aiǵa sozylǵan soǵystyń aiaqtalýyna jol ashýy múmkin ekeni atap ótildi. Reuters agenttiginiń málimetinshe, delegatsiialar kelisimniń egjei-tegjeilerin talqylaý úshin Dohada qalǵan.
Mańyzdy máselelerdiń biri — Izrail áskeriniń Gazadan shyǵarylýy. Kelissózge muryndyq bolǵandar Izrailden áskerdiń qai aimaqtardan shyǵarylatyny kórsetilgen kartany kútýde.
Eske salaiyq, 13 qańtarda kelissóz júrgizýshi taraptar Izrail men HAMAS-qa bitimgershilik pen tutqyndardy bosatý týraly sońǵy jobany usynǵan edi. Kelissózderge AQSh prezidenti Djo Baiden men sailanǵan prezident Donald Tramptyń ókilderi, sondai-aq Katar biligi qatysqan. Tramptyń aldaǵy prezidenttik kezeńinde AQSh ókili bolatyn Stiv Vitkoff Izraildiń joǵary barlaý qyzmetkerlerimen birlesip, osy jobany qabyldaǵan. Qatarlyq ókil taraptarǵa oq atýdy toqtatý jáne tutqyndardy bosatý týraly kelisim mátinin tapsyrǵan. 14 qańtarda jariialanǵan málimetter boiynsha, Palestinanyń HAMAS qozǵalysy Gaza sektorynda oq atýdy toqtatý jáne tutqyndardy aiyrbastaý týraly kelisim sharttaryn birinshi bolyp qabyldaǵan.
.jpg)
