يزرايل مەن حاماس وق اتۋدى توقتاتۋ تۋرالى كەلٸسٸمگە كەلدٸ

فوتو:vesti.az

قاتاردا ٶتكەن كەلٸسسٶزدەر بارىسىندا يزرايل مەن حاماس گازا سەكتورىنا قاتىستى كەلٸسٸمگە قول جەتكٸزدٸ. بۇل تۋرالى The Times of Israel باسىلىمىنا سٸلتەمە جاساپ Ult.kz حابارلايدى.

مەلٸمەتتەرگە سەيكەس, گازا سەكتورىندا وق اتۋدى توقتاتۋ تۋرالى كەلٸسٸمنٸڭ بٸرٸنشٸ كەزەڭٸندە 33 يزرايلدٸك تۇتقىن بوساتىلادى, ال يزرايل ٶز كەزەگٸندە پالەستينالىق تۇتقىنداردى بوساتادى.

«يزرايل مەن حاماس 13 قاڭتار كەشٸندە تۇتقىنداردى بوساتۋ تۋرالى كەلٸسٸمگە قول جەتكٸزدٸ», — دەلٸنگەن حابارلامادا.

كەلٸسٸمدەر 19 قاڭتاردان كٷشٸنە ەنەدٸ جەنە ٷش ساتىدان تۇرادى. بۇل كەلٸسسٶزدەردە اقش, كاتار جەنە ەگيپەت كەپٸلدٸك جاساعانى جاساعانى جەنە بۇل كەلٸسٸم تاياۋ شىعىستاعى 15 ايعا سوزىلعان سوعىستىڭ اياقتالۋىنا جول اشۋى مٷمكٸن ەكەنٸ اتاپ ٶتٸلدٸ. Reuters اگەنتتٸگٸنٸڭ مەلٸمەتٸنشە, دەلەگاتسييالار كەلٸسٸمنٸڭ ەگجەي-تەگجەيلەرٸن تالقىلاۋ ٷشٸن دوحادا قالعان.

ماڭىزدى مەسەلەلەردٸڭ بٸرٸ — يزرايل ەسكەرٸنٸڭ گازادان شىعارىلۋى. كەلٸسسٶزگە مۇرىندىق بولعاندار يزرايلدەن ەسكەردٸڭ قاي ايماقتاردان شىعارىلاتىنى كٶرسەتٸلگەن كارتانى كٷتۋدە.

ەسكە سالايىق, 13 قاڭتاردا كەلٸسسٶز جٷرگٸزۋشٸ تاراپتار يزرايل مەن حاماس-قا بٸتٸمگەرشٸلٸك پەن تۇتقىنداردى بوساتۋ تۋرالى سوڭعى جوبانى ۇسىنعان ەدٸ. كەلٸسسٶزدەرگە اقش پرەزيدەنتٸ دجو بايدەن مەن سايلانعان پرەزيدەنت دونالد ترامپتىڭ ٶكٸلدەرٸ, سونداي-اق كاتار بيلٸگٸ قاتىسقان. ترامپتىڭ الداعى پرەزيدەنتتٸك كەزەڭٸندە اقش ٶكٸلٸ بولاتىن ستيۆ ۆيتكوفف يزرايلدٸڭ جوعارى بارلاۋ قىزمەتكەرلەرٸمەن بٸرلەسٸپ, وسى جوبانى قابىلداعان. قاتارلىق ٶكٸل تاراپتارعا وق اتۋدى توقتاتۋ جەنە تۇتقىنداردى بوساتۋ تۋرالى كەلٸسٸم مەتٸنٸن تاپسىرعان. 14 قاڭتاردا جارييالانعان مەلٸمەتتەر بويىنشا, پالەستينانىڭ حاماس قوزعالىسى گازا سەكتورىندا وق اتۋدى توقتاتۋ جەنە تۇتقىنداردى ايىرباستاۋ تۋرالى كەلٸسٸم شارتتارىن بٸرٸنشٸ بولىپ قابىلداعان.