Izrail Golan jotalaryndaǵy jańa aýylǵa AQSh prezidenti Donald Tramptyń atyn bermek. Bul týraly Izrial premer-ministri Biniamin Netaniahý óziniń Twitter paraqshasynda habarlady.
Netaniahý "Osylaisha Ierýsalim Golan jotalaryn Izrail jeri dep tanyp, tarihi sheshim qabyldaǵan AQSh prezidentine alǵysyn bildirmek" dep jazady. Onyń sózinshe, Tramptyń mundai sheshimi izraildikterdi "qatty tolqytqan". Úkimet Tramptyń aty berilgen jańa eldi-mekendi qurý týraly qaýlyny evreilerdiń pasha merekesinen soń qabyldamaq.
Biyl naýryz sońynda AQSh prezidenti Donald Tramp Golan jotalary Izrailge tiesili dep málimdegen. Bul týraly qujatqa 25 naýryzda Aq úide qol qoiyp jatyp Tramp "AQSh mundai sheshimdi ondaǵan jyl buryn qabyldaýy kerek edi" degen. Qujatqa qol qoiǵan sátte Tramptyń janynda Netaniahý boldy.
Izrail lideri muny "batyl qujat" dep, sol kúngi datany "Golan jotalary úshin soǵysta basym túsken Izrail jeńisi diplomatiialyq jeńiske ainalǵan tarihi kún" dep atady.
Siriia Syrtqy ister ministri Tramptyń sheshimin "Siriia egemendigi men aýmaqtyq tutastyǵyna soraqy shabýyl" dep ataǵan.
1967 jyly bolǵan alty kúndik soǵysta áýelde Siriiaǵa tiesili bolǵan jotalardy Izrail basyp alǵan.
