يزرايل گولان جوتالارىنداعى جاڭا اۋىلعا اقش پرەزيدەنتٸ دونالد ترامپتىڭ اتىن بەرمەك. بۇل تۋرالى يزريال پرەمەر-مينيسترٸ بينيامين نەتانياحۋ ٶزٸنٸڭ Twitter پاراقشاسىندا حابارلادى.
نەتانياحۋ "وسىلايشا يەرۋساليم گولان جوتالارىن يزرايل جەرٸ دەپ تانىپ, تاريحي شەشٸم قابىلداعان اقش پرەزيدەنتٸنە العىسىن بٸلدٸرمەك" دەپ جازادى. ونىڭ سٶزٸنشە, ترامپتىڭ مۇنداي شەشٸمٸ يزرايلدٸكتەردٸ "قاتتى تولقىتقان". ٷكٸمەت ترامپتىڭ اتى بەرٸلگەن جاڭا ەلدٸ-مەكەندٸ قۇرۋ تۋرالى قاۋلىنى ەۆرەيلەردٸڭ پاسحا مەرەكەسٸنەن سوڭ قابىلداماق.
بيىل ناۋرىز سوڭىندا اقش پرەزيدەنتٸ دونالد ترامپ گولان جوتالارى يزرايلگە تيەسٸلٸ دەپ مەلٸمدەگەن. بۇل تۋرالى قۇجاتقا 25 ناۋرىزدا اق ٷيدە قول قويىپ جاتىپ ترامپ "اقش مۇنداي شەشٸمدٸ ونداعان جىل بۇرىن قابىلداۋى كەرەك ەدٸ" دەگەن. قۇجاتقا قول قويعان سەتتە ترامپتىڭ جانىندا نەتانياحۋ بولدى.
يزرايل ليدەرٸ مۇنى "باتىل قۇجات" دەپ, سول كٷنگٸ داتانى "گولان جوتالارى ٷشٸن سوعىستا باسىم تٷسكەن يزرايل جەڭٸسٸ ديپلوماتييالىق جەڭٸسكە اينالعان تاريحي كٷن" دەپ اتادى.
سيرييا سىرتقى ٸستەر مينيسترٸ ترامپتىڭ شەشٸمٸن "سيرييا ەگەمەندٸگٸ مەن اۋماقتىق تۇتاستىعىنا سوراقى شابۋىل" دەپ اتاعان.
1967 جىلى بولعان التى كٷندٸك سوعىستا ەۋەلدە سيريياعا تيەسٸلٸ بولعان جوتالاردى يزرايل باسىپ العان.
