Foto: depositphotos.com
2020 jyldyń naýryzynan beri izdeýde júrgen Qazaqstan azamaty Grýziiada ustaldy, - dep habarlaidy "Ult aqparat" Bas prokýratýranyń baspasóz qyzmetine silteme jasap.
"Bas prokýratýranyń úilestirýimen Ishki ister ministrliginiń qyzmetkerlerimen Grýziia aýmaǵynda 2020 jyldyń naýryz aiynan izdeýde júrgen kúdikti Qazaqstan azamaty ustaldy.
Ol qarjy piramidasyn qurdy jáne oǵan basshylyq jasady dep aiyptalyp otyr. Keltirilgen shyǵyn 3,6 mlrd teńgeden asady" - delingen habarlamada.
Qylmystyq is boiynsha 600-den astam adam jábirlenýshi bolyp tanylǵan.
Qazirgi ýaqytta ony ekstraditsiialaý máselesi sheshilip jatyr.
