Búgin IX Azamattyq forým jumysyn bastady, dep habarlaidy QazAqparat.
«Qoǵam jáne memleket: #Birgemiz áriptestik pen damýdyń 30 jyly» degen taqyryppen 5 kúnge sozylatyn forýmnyń birinshi kúninde 7:00-de aimaqtyq forýmdarǵa sholý kórsetilimi boldy. Odan keiin ÚEU ókilderiniń qatysýymen «Resýrstyq ortalyqtar - azamattyq bastamalardy tartý ortalyqtary» taqyrybynda podkast ótti.
«Sybailas jemqorlyqqa qarsy azamattyq qoǵam» saraptama alańynda forým qatysýshylary paraqorlyqpen kúresýdiń tiimdi ádisin jáne qoǵamda osy áleýmettik zulymdyqqa tózbeýshilikti qalyptastyrý tásilderin talqylady. Sondai-aq «Qoǵamdyq keńesterdiń tiimdiligin arttyrý tájiribesi men praktikasy», «Pikir kóshbasshylarynyń aýditoriia aldyndaǵy azamattyq jaýapkershiligi» taqyryptarynda pikirtalas ótedi.
LIVE rejiminde «Azamattyq qoǵam. Máseleler men aldyńǵy kórinis» atty saraptama alańy jumys isteidi. Munda QR Aqparat jáne qoǵamdyq damý ministri Aida Balaeva men Qazaqstannyń Azamattyq aliansynyń prezidenti Baný Nurǵazievanyń kezdesý-talqylaýy ótedi. Bul - qyzyqty spikerlermen áńgimelesýdiń jáne olarǵa tikelei suraqtar qoiýdyń biregei múmkindigi.
Sonymen qatar, Azamattyq forýmnyń birinshi kúni ministrlerdiń úkimettik emes sektor ókilderimen kezdesýleri ótedi. ÚEU kezdesýlerdi QR Densaýlyq saqtaý ministri Aleksei Tsoi, QR Qarjy birinshi vitse-ministri Berik Sholpanqulov, QR Ishki ister ministriniń orynbasary Arystanǵani Zapparov ótkizedi.
Azamattyq forýmǵa qatysýshylar onlain rejiminde barlyq spikerlerge suraq qoiyp, qorytyndy shyǵaryp, aldaǵy jumys josparlaryn talqylai alady. Birinshi kúnniń sońynda «ÚEU jáne biznes, ekijaqqa tiimdi áriptestikti qalai ornatýǵa bolady» atty eki saǵattyq trening bolady.
Ár túrli formattaǵy alańdar: trenin, pikirtalas, beine podkast, zým-kezdesýler Facebook, Youtube, Instagram jelicinde onlain rejimde kórsetiledi.
Forým baǵdarlamasy jáne qatysýshylardy tirkeý forým saitynda qoljetimdi.
Esterińizge sala keteiik, alǵashqy Azamattyq forým 2003 jyldyń 14 qazanynda ótti. Osy ýaqyttan bastap elimizdiń úshinshi sektoryn damytýǵa úlken kóńil bólinýde. Qazir Qazaqstanda 22 000-nan astam úkimettik emes uiym tirkelgen.
