Búgin IX Azamattyq forým jumysyn bastaidy. Forým aiasynda ministrlik basshylarynyń úkimettik emes uiymdar ókilderimen 12 salalyq onlain kezdesý ótkizý josparlanǵan, dep habarlaidy QazAqparat.
Qoǵamdyq uiymdardyń basshylarymen Densaýlyq saqtaý ministri A. Tsoi, Eńbek jáne halyqty áleýmettik qorǵaý ministri B. Nurymbetov, Tsifrlyq damý, innovatsiialar jáne aeroǵarysh ónerkásibi ministri B. Mýsin, Saýda jáne integratsiia ministri B. Sultanov, Ádilet ministri M. Beketaev, Aýyl sharýashylyǵy ministri S. Omarov, Ekologiia, geologiia jáne tabiǵi resýrstar ministri M. Myrzaǵaliev, Tótenshe jaǵdailar ministri Iu. Ilin, Memlekettik qyzmet isteri agenttiginiń tóraiymy A. Jaiylǵanova, Ishki ister ministriniń orynbasary A. Zapparov, Qarjy birinshi vitse-ministri B. Sholpanqulov, Sybailas jemqorlyqqa qarsy is-qimyl agenttigi tóraǵasynyń birinshi orynbasary O.Bektenov kezdesedi.
Uiymdastyrýshylardyń aitýynsha, kezdesýlerdi ótkizýdiń maqsaty ortalyq memlekettik organdar basshylarynyń úkimettik emes sektor ókilderimen ashyq dialogy bolyp tabylady.
«Forým aiasynda ÚEU-men kezdesýler ótkizý memlekettik organdar qyzmetiniń transparenttiligin jáne memleket iske asyratyn baǵdarlamalar men bastamalar týraly jurtshylyqtyń habardar bolýyn arttyrýǵa yqpal etedi. ÚEU - men ózara is-qimyl memlekettik organdarǵa jedel áreket etýge jáne halyqtyń ózekti máselelerin sheshýge múmkindik beredi», - dep habarlady QR AQDM Azamattyq qoǵam isteri komitetiniń tóraǵasy Madiiar Qojahmetov.
QR Aqparat jáne qoǵamdyq damý ministrliginiń baspasóz qyzmetiniń málimetinshe, kezdesýler barysynda memleket pen azamattyq qoǵamnyń densaýlyq saqtaý, qorshaǵan ortany qorǵaý, bas bostandyǵynan aiyrý oryndarynan bosatylǵan jáne probatsiia qyzmetinde esepte turǵan adamdarǵa áleýmettik-quqyqtyq kómek kórsetý salasyndaǵy ózara is-qimyly, sybailas jemqorlyqqa qarsy is-qimyl jónindegi tiisti usynymdar men birlesken is-qimyldar josparlaryn ázirleý, Áleýmettik qamsyzdandyrý kodeksin ázirleý jónindegi tásilderdi qaraý jáne taǵy basqa máselelerdi talqylaý josparlanýda.
Ministrlermen kezdesý úshin respýblikalyq jáne óńirlik ÚEU, BAQ, saraptamalyq qoǵamdastyqtardyń, «Adaldyq alańy» jobalyq ofisteriniń ókilderi, arnaiy monitoringtik toptar shaqyrylady.
Kezdesýler Facebook, Youtube, Instagram jelicinde onlain rejimde kórsetiledi.
Forým baǵdarlamasy jáne qatysýshylardy tirkeý forým saitynda qoljetimdi.
