Qazaqstandyq sýperaýyr salmaqtaǵy boksshy Ivan Dychko kelesi jekpe-jegin ótkizetin kúnin bildi. Ol 6 maýsym kúni Angliianyń Bornmýt qalasynda ótetin Zuffa Boxing 7 týrnirinde sharshy alańǵa shyǵady, dep habarlaidy ult.kz.
Dychkonyń qarsylasy — kásibi ringte áli jeńilip kórmegen britandyq Harvi Daiks bolmaq. Kezdesý on raýndqa josparlanǵan jáne boks keshiniń aldyn ala jekpe-jekteri aiasynda ótedi.
Ivan Dychko sońǵy ret byltyr 13 qyrkúiekte Las-Vegasta ótken Saýl Alvares pen Terens Kroýford arasyndaǵy boks keshinde judyryqtasty. Sol kezdesýde ol amerikalyq Djermein Franklin-mladshiige tóreshilerdiń biraýyzdy sheshimimen ese jibergen edi.
Al Harvi Daiks sońǵy jekpe-jegin 21 qarashada Angliianyń Braiton qalasynda ótkizip, Belarýs ókili Viktor Chvarkovty upai sanymen jeńgen.
