Premer-Ministrdiń orynbasary – Aýyl sharýashylyǵy ministri Asqar Myrzahmetov Italiianyń Inalca Eurasia kompaniiasynyń ókilderimen kezdesti, dep habarlady Úkimet basshysynyń baspasóz qyzmeti.
Qazirgi tańda 5 institýttyq reformany júzege asyrý jónindegi 100 naqty qadamnyń 61-qadamyna sáikes, «Et óndirisi men óńdeýdi damytý úshin strategiialyq investorlardy tartý» boiynsha ministrlik pen Inalca Eurasia kompaniiasy (Sremonini Group atynan) arasynda Almaty oblysynda et klasterin qurý investitsiialyq jobasyn damytý máselelerin sheshýde birqatar jumys atqarylýda.
Mal bordaqylaý alańdarynyń qýattylyǵy 10 000-nan 20 000-ǵa deiin mal basyn qamtyp, et kombinatynda mal soiý kórsetkishi aptasyna 1500-2000 basty quraityn bolady.
Aǵymdaǵy jyldyń qańtar aiynda Inalca Eurasia kompaniiasy elimizdiń mal sharýashylyǵy salasyndaǵy iri kásiporyndardyń biri – Aqtóbe oblysyndaǵy «Aktep» JShS-men memorandýmǵa qol qoidy.
Osy kelisim aiasynda Aqtóbe, Qostanai, Batys Qazaqstan oblystarynda jalpy qýattylyǵy bir mezgilde 44 myń bas maldy qamti alatyn bordaqylaý alańdaryn salý úshin tiginen integratsiialanǵan kompaniia qurý, sonymen qatar et kombinatynyń qýatyn 20 myń tonna et jáne et ónimderine deiingi shekke ulǵaita otyryp jańǵyrtý jumystaryn júrgizý qarastyrylǵan.
.jpeg)