Italiianyń soltústiginde lai kóshkini júrip bara jatqan poiyzdy relsten shyǵaryp jiberdi. Bul týraly jergilikti basylymdar jazdy.
Tgcom24 telearnasynyń habarlaýynsha, dúisenbiniń tańynda Fortetstsa qalasynan Brýnikoǵa bara jatqan poiyz Boltsano provintsiiasynda taýdan qulaǵan lai kóshkininiń ekpininen relsten shyǵyp ketken.
Boltsano provintsiiasy baspasóz jáne bailanys agenttigi Twitter paraqshasynda oqys oqiǵadan eshkim zardap shekpegenin málimdedi. Shuǵyl jetken qutqarýshylar jolaýshylardy qaýipsiz jerge din aman jetkizgen.
Aita keteiik, qazir Italiianyń soltústiginde aýa raiy qolaisyz bolyp tur. Ótken aptada Trentino-Alto-Adidje oblysynda jaýǵan qalyń qar elektr jelileri men kólik bailanysyna aitarlyqtai ziian keltirgen. Óńirde temirjol qozǵalysy ýaqytsha toqtatyldy.
