Koronavirýstyń jańa mýtatsiiasy – nigeriialyq shtamm Italiianyń soltústiginde, Breshiiada tabyldy, dep habarlaidy ANSA agenttigi. Italiialyq virýsologter qoǵamynyń prezidenti jáne mikrobiologiialyq zerthananyń direktory Arnaldo Karýzo bul shtamǵa qarsy qolda bar vaktsinalar tiimsiz bolýy múmkin dep sanaidy.
«Italiiada alǵash ret biz qazirgi vaktsinalar tiimsiz bolýy múmkin mýtatsiialary bar shtamdy (nigeriialyq) anyqtadyq», – deidi sarapshy. Degenmen shtamnyń erekshelikteri týraly málimetter berilmegen.
Ótken jyldyń kókteminde pandemiiadan zardap shekken Breshiia aimaǵynda koronavirýs juqtyrǵandar sany taǵy da artyp keledi. Bul óz kezeginde karantin sharalaryn qataitýǵa ákeledi.
Densaýlyq saqtaýdyń joǵary institýtynyń málimetteri boiynsha, qazirgi ýaqytta eldegi naýqastardyń 54-64% britaniialyq shtamm juqtyrǵandar. Aqpan aiynyń basynda onyń úlesi 20%-dan az boldy.
Italiialyq mamandar pandemiianyń «úshinshi tolqynynyń» bastalatyndyǵyn aitady. Úkimet epidemiologiialyq jaǵdaiy qolaisyz «qyzyl» aimaqtardaǵy barlyq mektepter men balabaqshalardy jabý týraly sheshim qabyldady. Onda ár 100 myń turǵynnyń 200-250-i KVI juqtyrǵan. Osy ýaqytqa deiin kishi mektep pen balabaqshalar shaǵyn lokdaýn jaǵdaiynda jumys istegen.
Italiiada pandemiia bastalǵannan beri juqtyrǵandardyń sany 3 millionǵa jaqyndap keledi, koronavirýs infektsiiasynyń saldarynan 98 myńnan astam adam qaitys boldy. Seisenbi kúni taratylǵan Densaýlyq saqtaý ministrliginiń málimetterine sáikes, sońǵy táýlikte juqtyrǵandar sany 17 myńǵa, ólim-jitim 343-ke ósti.
