Elorda ákimi Altai Kólginovtiń tóraǵalyǵymen IT-keńes qurylǵan sátten bastap, birqatar mindetter qoiyldy, tiisti IT-sheshimder engizildi. 2020 jyldyń qyrkúiek aiynda IT-keńes quryldy. Qazirgi ýaqytta qoǵamdastyqtyń innovatsiialyq qyzmetiniń áseri aitarlyqtai baiqalady, dep jazady astana.gov.kz.
Negizgi mindet – IT-indýstriiaǵa qatysýshylardy biriktirý. Munda tsifrlandyrý salasyndaǵy qalanyń biryńǵai ekojúiesin iske asyrýǵa qatysty ár adamnyń óz kózqarasyn bildirýine, qala turǵyndaryna yńǵaily bolýy úshin tsifrlyq jobany tanystyrýyna, sondai-aq Nur-Sultan qalasy ákimdiginiń bolashaq IT-jobalaryn iske asyrý boiynsha usynystaryn bildirýine múmkindigi bar.
1. IT-keńestiń úsh kezdesýiniń qorytyndysy boiynsha birqatar sheshim engizildi. Olardyń biri – «Bultty qujat ainalymy». Eskertýler negizinde Documentolog platformasyna ózgerister engizildi. Sonymen qatar azamattardyń suranystaryna jedel den qoiý jáne jergilikti atqarýshy organdardyń tiimdi ózara is-qimyly úshin servistik qýattylyqtardaǵy bultty júie ózgertildi. Bultty qujat ainalymy – qujattarmen jumys isteý úshin paidalanýshyǵa internet-servis retinde usynylatyn qazirgi zamanǵy qujat ainalym tehnologiiasy.
2. Sondai-aq, qazirgi ýaqytta «aqyldy liýk» jobasyn pilottaý júzege asyrylýda. Pilotty jobada eki kompaniianyń sheshimderi qarastyrylady. «Manhole» – káriz liýkterine qashyqtan monitoring júrgizedi jáne qyzmet kórsetý júiesin baqylaidy. Joba IoT tehnologiiasyna negizdelgen baǵdarlamalyq-apparattyq sheshim bolyp sanalady. Júie geografiialyq bailanysy bar liýkterdiń jai-kúiin, liýkterdiń ashylý jáne jabylý ýaqytyn baqylaýyna, dispetcherlik ekranǵa habarlandyrý alýyna, sondai-aq elektrondyq poshta arqyly bilýine múmkindik beredi. Ekinshi pilottyq kompaniia káriz liýkteri qaqpaqtarynyń ornalasýyn baqylaýdyń innovatsiialyq jobasyn ázirlep shyqty. Búrkit baǵdarlamalyq platformasy qaqpaqtardyń ornalasqan jeri týraly aqparatty jedelhat-bottyń kómegimen jiberedi jáne liýk qaqpaǵynyń urlaný faktisi týraly dereý ýákiletti organdarǵa habarlaidy. Pilotty joba aiasynda Ikomek pen Otyn-energetikalyq kesheni jáne kommýnaldyq sharýashylyq basqarmasy birlesip, qala aýmaǵynda 60 datchiktiń liýkterdi monitoringileý júiesin testileý men engizýin júrgizedi. Testileý qorytyndylary boiynsha neǵurlym tiimdi sheshimdi taldaý jáne irikteledi. Pilottyq joba liýkterdiń urlanýynyń jáne onyń saldarynan qala turǵyndarynyń jaraqattanýynyń aldyn alý úshin iske qosyldy.
3. Sonymen qatar, IT-keńestiń sheshimi boiynsha №10, №87, №54 mektepterde beiindi pánderdiń bilim berý baǵdarlamasyn vizýalizatsiialaý boiynsha Rocket Science baǵdarlamasy engizildi. Joba qashyqtan oqytý kezinde bilim sapasynyń artýyna áser etti. Interaktivti kontentti qala mektepterinde keńeitý josparlanýda.
4. Qala sáýletin damytýǵa erekshe kóńil bólindi. Kezdesýde IT-qoǵamdastyqqa qatysýshylar geoportaldy jańǵyrtý máselelerin talqylap, elordanyń bas josparynyń júiesin jetildirý boiynsha usynystar engizdi. Geoportal birinshi kezekte qala turǵyndary men biznes-qoǵamdastyq úshin qajet málimetterdi izdeý kezinde yńǵaily bolý úshin qurylǵan. Sondai-aq, jerdiń elektrondyq kartasy qala alańyn tiimdi bólýdi josparlaýǵa septigin tigizedi. Barlyq júieni integratsiialaýdy qamtamasyz etedi jáne ýrbanistika qaǵidattaryn ustana otyryp, qalany jaqsartýǵa áser etedi.
5. Buǵan qosa qoqys shyǵarý jumysy avtomattandyrylǵanyn atap ótken jón. Engizilgen beine-tirkeý júiesi men GPS trekerler onlain-rejimde qoqys shyǵarý boiynsha jumystardy oryndaý sapasy men qaýipsizdigin baqylaýǵa múmkindik berdi.
6. Qala turǵyndarynyń belsendi ómir saltyn ustanýy úshin infraqurylym qarqyndy damýda. Jańa saiabaqtar, velosiped joldary jasalyp jatyr, aýlalar korttarmen jáne kóshe trenajerlerimen jabdyqtalǵan. Osylaisha, 2020 jylǵy 29 jeltoqsanda Smart Sport jobasy tanystyryldy. Ol turǵyndardyń salaýatty ómir saltyn ustanýyna, turǵyndar arasynda sportty tanymal etýge kómektesedi.
2020 jylǵy 29 jeltoqsanda ótken qorytyndy IT-keńeste qalalyq servisterdiń sapasyn jaqsartý úshin Qazaqtelekommen kelisimge qol qoiyldy. Qazirgi ýaqytta tsifrlyq bastamalardy engizý jumystary jalǵasýda. Elordalyq tsifrlandyrý basqarmasy qalanyń ár basqarmasymen aqparattyq tehnologiialardyń kómegimen sheshýge bolatyn jumystardy pysyqtaýda.
Biyl IT-komiýniti saraptamalyq ortasynyń toqsan saiynǵy kezdesýi josparlanyp otyr. Aldaǵy IT-keńeske qatysýǵa nemese tsifrlyq sheshimniń tusaýkeserine qatysty máselelerdi Nur-Sultan qalasynyń tsifrlandyrý jáne memlekettik qyzmetter basqarmasynyń elektrondyq poshtasyna jiberýge bolady: digital@astana.kz. Bailanys telefony: 55-73-61.
