Ispaniiada qazaqstandyq azamat kóz jumdy. Bul jaily QR SIM resmi ókili Aibek Smadiiarov málim etti, dep habarlaidy "Ult aqparat".
Ispaniialyq Eldia.es basylymy 53 jastaǵy kásipkerdiń Alikantedegi villalardyń birinde kóz jumǵanyn habarlaǵan bolatyn.
«Er adamnyń denesin seisenbi kúni keshke baǵban taýyp, habar bergen. Ol jedel járdemdi, sondai-aq azamattyq kúzet pen jergilikti politsiianyń birneshe patrýlin shaqyrǵan. Er adamnyń qaitys bolǵanyn bilgen mamandar istiń mán-jaiyn eskere otyryp, tergeýshilerdiń kelýin talap etken. Marat Sabalaqovtyń denesi baspaldaqtyń astynda etpetinen jatqan. Sondyqtan bir nusqa boiynsha, ol qulap qaitys bolýy múmkin. Alaida qaraqus tusyndaǵy soqqydan kelýi múmkin jaraqat, sondai-aq qan belgisiniń úi ishinde de bolýy – qylmys bolýy múmkin ekenin joqqa shyǵarmaidy», - dep habarlaidy basylym.
Al taǵy bir ispandyq diarioinformacion.com saity Marat Sabalaqovtyń qazasy qylmystan emes, oqys jaǵdaidan bolǵanyn jazady.
QR Syrtqy ister ministrligi Ispaniiada Qazaqstan azamatynyń qaitys bolǵanyn rastap otyr.
«Ispaniia politsiiasy Qazaqstan azamatynyń kóz jumǵanyn habarlady. Sondaǵy konsýl istiń mán-jaiyn anyqtaý úshin oqiǵa ornyna attandy», - dep habarlaidy QR SIM resmi ókili Aibek Smadiiarov.
