Ispaniiada karantin shekteýleri alynǵannan keiingi aida 18 564 koronavirýs juqtyrý oqiǵasy anyqtalǵan, dep habarlaidy TASS agenttigi.
Agenttiktiń habarlaýynsha, Ispaniiada shekteý erejeleri alynǵan sáttegi kórsetkishpen salystyrǵanda virýs juqtyrý oqiǵasy 400%-ǵa kóbeigen. 21 maýsymnan bastap koronavirýstan 99 adam kóz jumyp, 1,1 myń naýqas aýrýhanaǵa jatqyzyldy. Qazirgi ýaqytta elde 200-den astam indettiń taralý oshaǵy bar. 21 maýsym kúni Densaýlyq saqtaý ministrligi 141 adam infektsiia juqtyrǵanyn habarlasa, 20 shilde kúni koroldik úkimeti bir táýlikte 685 juqtyrý oqiǵasy tirkelgenin habarlady.
Elde 265 myń koronavirýs juqtyrý oqiǵasy tirkelip, odan 28,4 myńnan astam adam qaitys boldy. Naýryzdyń ortasynda Ispaniiada joǵary deńgeidegi daiyndyq erejesi engizildi. Bul shara turǵyndardyń júrip-turýyn shektedi. Ereje 21 maýsym kúni alyndy.
Ispaniiada koronavirýstyń taralýy sáýirdegi kórsetkishpen salystyrǵanda aitarlyqtai azaiǵan. Degenmen, shekteý erejeleri alynǵannan keiin elde virýstyń taralýy qaita órship jatyr. Osyǵan bailanysty avtonomdy oblystardyń bilik ókilderi qaitadan qatań karantin erejelerin engizýge májbúr bolyp otyr.
