يسپانييادا كارانتين شەكتەۋلەرٸ الىنعاننان كەيٸنگٸ ايدا 18 564 كوروناۆيرۋس جۇقتىرۋ وقيعاسى انىقتالعان, دەپ حابارلايدى تاسس اگەنتتٸگٸ.
اگەنتتٸكتٸڭ حابارلاۋىنشا, يسپانييادا شەكتەۋ ەرەجەلەرٸ الىنعان سەتتەگٸ كٶرسەتكٸشپەن سالىستىرعاندا ۆيرۋس جۇقتىرۋ وقيعاسى 400%-عا كٶبەيگەن. 21 ماۋسىمنان باستاپ كوروناۆيرۋستان 99 ادام كٶز جۇمىپ, 1,1 مىڭ ناۋقاس اۋرۋحاناعا جاتقىزىلدى. قازٸرگٸ ۋاقىتتا ەلدە 200-دەن استام ٸندەتتٸڭ تارالۋ وشاعى بار. 21 ماۋسىم كٷنٸ دەنساۋلىق ساقتاۋ مينيسترلٸگٸ 141 ادام ينفەكتسييا جۇقتىرعانىن حابارلاسا, 20 شٸلدە كٷنٸ كورولدٸك ٷكٸمەتٸ بٸر تەۋلٸكتە 685 جۇقتىرۋ وقيعاسى تٸركەلگەنٸن حابارلادى.
ەلدە 265 مىڭ كوروناۆيرۋس جۇقتىرۋ وقيعاسى تٸركەلٸپ, ودان 28,4 مىڭنان استام ادام قايتىس بولدى. ناۋرىزدىڭ ورتاسىندا يسپانييادا جوعارى دەڭگەيدەگٸ دايىندىق ەرەجەسٸ ەنگٸزٸلدٸ. بۇل شارا تۇرعىنداردىڭ جٷرٸپ-تۇرۋىن شەكتەدٸ. ەرەجە 21 ماۋسىم كٷنٸ الىندى.
يسپانييادا كوروناۆيرۋستىڭ تارالۋى سەۋٸردەگٸ كٶرسەتكٸشپەن سالىستىرعاندا ايتارلىقتاي ازايعان. دەگەنمەن, شەكتەۋ ەرەجەلەرٸ الىنعاننان كەيٸن ەلدە ۆيرۋستىڭ تارالۋى قايتا ٶرشٸپ جاتىر. وسىعان بايلانىستى اۆتونومدى وبلىستاردىڭ بيلٸك ٶكٸلدەرٸ قايتادان قاتاڭ كارانتين ەرەجەلەرٸن ەنگٸزۋگە مەجبٷر بولىپ وتىر.
