Ispaniia densaýlyq saqtaý ministri 24 saǵatta koronavirýstan 823 adam qaitys bolǵanyn, elde barlyǵy 5690 adam kóz jumǵanyn habarlady. Ispaniiada 72248 adam virýs juqtyrdy.
Al Iranda 24 saǵatta 3000 adamnan virýs tabyldy. Qazir bul elde 35400 adam dertke shaldyqqan. Qaitys bolǵandar – 2517 adam.
Túrkiiada bir apta ishinde virýs juqtyrǵandar 5698 adamǵa jetti. 92 adam kóz jumdy. El biligi poiyzdardy, avtobýstardy, halyqaralyq reisterdi toqtatyp jatyr. Turǵyndardyń basqa qalaǵa barýyna tyiym salyndy.
Ulybritaniiada koronavirýstan kóz jumǵandar myńnan asty.
Virýs shyqqan Qytaidyń Ýhan qalasy eki ai karantinnen keiin jartylai ashyldy. Halyq qalaǵa kire alady. Biraq qaladan shyǵýǵa áli ruqsat joq.
AQSh-taǵy Djon Hopkins ýniversitetiniń dereginshe, álemde 615 adamnan virýs tabyldy. 28717 adam qaitys boldy. 135735 adam dertten aiyqty.
