Ispaniiada keiingi 24 saǵat ishinde 809 adam Covid-19 dertinen qaitys boldy, taǵy 7026 adamnan virýs tabyldy. Qazir bul elde 11744 adam kóz jumdy. 124736 adamǵa virýs juqty. Ispaniia osylaisha virýs juqqandar sany boiynsha Italiianyń (120 myńǵa jýyq) aldyna shyǵyp, AQSh-tan (278 myńnan asa) keiin tur.
Ispaniia biligi keiingi eki kúnde dertten kóz jumǵandar sany túskenin málimdedi. Úsh kún qatarynan elde virýstan qaitys bolǵandar sany 900-den az. Koronavirýs juqtyrǵandar sany da 3 sáýirmen (7472) salystyrǵanda azaiǵan.
Osy aptanyń basynda Ispaniia densaýlyq saqtaý ministri Salvador Illi elde virýs taraýy shegine jetti dep málimdegen. Ispaniia úsh aptadan beri karantinde. El biligi karantindi 26 sáýirge sozbaq.
AQSh-taǵy Djon Hopkins ýniversitetiniń dereginshe, kazir álemde 1 123 024 koronavirýs juqtyrdy. Covid-19 dertinen 59140 adam kóz jumdy. 228 myń adam aýrýdan jazyldy.
