Ózbekstan telearnalarynyń birinde telejúrgizýshi el prezidenti Islam Karimovtyń Táýelsizdik kúnine arnalǵan quttyqtaýyn oqyp berdi. Karimov 31 tamyz kúni Táýelsizdik kúnine arnalǵan merekelerik sharalarǵa qatysqan joq.
28 tamyzda Islam Karimovtyń áldebir syrqatpen aýrýhanaǵa túskeni týraly habarlanǵannan beri onyń densaýlyǵy týraly resmi aqparat joq. "Fergana" agenttigi 30 tamyzda belgisiz derekkózine silteme jasap Islam Karimovtyń "qaitys bolǵanyn" habarlaǵan. Biraq basqa aqparat quraldary, onyń ishinde reseilik agenttikter Karimovtiń áli "tiri ekenin" jazdy.
Lola Karimova-Tilliaeva Instagram-da ákesiniń "miyna qan quiylyp, aýrýhananyń jansaqtaý bóliminde jatqanyn" jáne "jaǵdaiy birqalypty ekenin" jazǵan. Resei prezidentiniń baspasóz hatshysy Dmitrii Peskov Kremlge Karimovqa qatysty jańa aqparat túspegenin jáne Máskeý úshin Ózbekstan prezidentiniń jaǵdaiy týraly kommentarii berý "jónsiz bolatynyn" málimdegen.
"Azattyq"
