Ózbekstannyń tuńǵysh prezidenti Islam Karimovtiń úlken nemeresi, Gúlnár Karimovanyń uly, 25 jastaǵy Islam Karimov Ulybritaniia úkimetinen saiasi baspana surady. Bul jóninde BBC ózbek qyzmeti kishi Islam Karimovtiń advokatyna silteme jasap habarlady, dep jazady centralasian.org.
Ómirden ótken birinshi prezidenttiń nemeresi saiasi baspanany bir ai buryn suraǵan. Kishi Islam Karimov qazir Londonda turyp jatyr. Onyń anasy Gúlnár Karimova Ózbekstanda tutqynda otyr.
Byltyr Ózbekstannyń bas prokýratýrasy 2015 jyldyń tamyz aiynda Karimovaǵa qatysty sot bolǵanyn, sot sheshimimen salyqtan jaltardy, memleket qarjysyn urlady jáne offshorly kompaniialardaǵy qujattardy joiyp jiberdi degen aiyptarmen 5 jylǵa bostandyǵy shekteldi dep habarlǵan.
Keiin Gúlnár Karimovaǵa qatysty jańa qylmystyq is qozǵaldy. Bas prokýratýra málimeti boiynsha, bul joly oǵan alaiaqtyq jasady, kóleńkeli tabysty zańdastyrdy, shetel valiýtasyn jasyrdy degen aiyptar taǵylǵan.
