ٶزبەكستاننىڭ تۇڭعىش پرەزيدەنتٸ يسلام كاريموۆتٸڭ ٷلكەن نەمەرەسٸ, گٷلنەر كاريموۆانىڭ ۇلى, 25 جاستاعى يسلام كاريموۆ ۇلىبريتانييا ٷكٸمەتٸنەن ساياسي باسپانا سۇرادى. بۇل جٶنٸندە BBC ٶزبەك قىزمەتٸ كٸشٸ يسلام كاريموۆتٸڭ ادۆوكاتىنا سٸلتەمە جاساپ حابارلادى, دەپ جازادى centralasian.org.
ٶمٸردەن ٶتكەن بٸرٸنشٸ پرەزيدەنتتٸڭ نەمەرەسٸ ساياسي باسپانانى بٸر اي بۇرىن سۇراعان. كٸشٸ يسلام كاريموۆ قازٸر لوندوندا تۇرىپ جاتىر. ونىڭ اناسى گٷلنەر كاريموۆا ٶزبەكستاندا تۇتقىندا وتىر.
بىلتىر ٶزبەكستاننىڭ باس پروكۋراتۋراسى 2015 جىلدىڭ تامىز ايىندا كاريموۆاعا قاتىستى سوت بولعانىن, سوت شەشٸمٸمەن سالىقتان جالتاردى, مەملەكەت قارجىسىن ۇرلادى جەنە وففشورلى كومپانييالارداعى قۇجاتتاردى جويىپ جٸبەردٸ دەگەن ايىپتارمەن 5 جىلعا بوستاندىعى شەكتەلدٸ دەپ حابارلعان.
كەيٸن گٷلنەر كاريموۆاعا قاتىستى جاڭا قىلمىستىق ٸس قوزعالدى. باس پروكۋراتۋرا مەلٸمەتٸ بويىنشا, بۇل جولى وعان الاياقتىق جاسادى, كٶلەڭكەلٸ تابىستى زاڭداستىردى, شەتەل ۆاليۋتاسىن جاسىردى دەگەن ايىپتار تاعىلعان.
