Ulttyq baktiń aqsha-kredit saiasaty departamentiniń direktory Jandos Shaimardanov qyrkúiektegi iskerlik belsendilik indeksi týraly aityp berdi, dep habarlaidy QazAqparat.
Iskerlik belsendilik indeksi kásiporyndarǵa júrgizilgen olardyń aǵymdaǵy kórsetkishteri jáne keleshekte olardyń ózgerýi boiynsha kútýleri negizinde qalyptastyrylady.
«Ótken aida saýalnamaǵa qurylys salasyndaǵy, ónerkásiptegi jáne qyzmet kórsetýdegi 450 kásiporyn qatysty. Iskerlik belsendilik indeksi qyrkúiekte birden 2,2-tarmaqqa ósip, 47,6-ǵa deiin kóterildi. Naqty sektorda ekonomikalyq belsendiliktiń jańǵyrýy qurylysta baiqalady, onda indeks 5,5 tarmaqqa ósti, qyzmet salasynda 3,1tarmaqqa ósýi tirkeldi. Ónerkásip salasynda jańa tapsyrystar azaiýynan indeks 0,5-tarmaqqa tómendedi»,– dedi Jandos Shaimardanov.
Óńirler boiynsha ótken aida iskerlik belsendilik indeksiniń birshama jaqsarýy Aqmola, Shyǵys Qazaqstan oblystarynda jáne Nur-Sultan qalasynda baiqaldy. Onyń eń kóp tómendeýi Almaty jáne Qyzylorda oblystarynda tirkeldi.
Biznes-ahýal indeksi qyrkúiekte sońǵy alty aida birinshi ret oń aimaqqa aýysyp, 2,0 deiin jetti. Respondentter biznesti júrgizýdiń aǵymdaǵy jaǵdailary jaqsarǵanyn atap, qazanda kórsetkishtiń 4,5-ǵa deiin odan ári ósýin kútýde
