Túrkistan oblysynda jumysynan bosatylǵan pedagog sot ǵimaratynda ózine qol jumsaýǵa árekettendi, dep habarlaidy ult.kz.
Túrkistan oblysy Ordabasy aýdanynda jumysynan bosatylǵan pedagog aýdandyq sot ǵimaratynda ózine qol jumsaýǵa árekettendi. Oqiǵa 3 maýsym kúni tańerteń bolǵan.
Áleýmettik jelide taraǵan aqparatqa sáikes, 24 jyldyq eńbek ótili bar ustaz H. Erimbetov biylǵy qańtar aiynda mektep ákimshiliginiń sheshimimen jumystan shyǵarylǵan. Ol bul sheshimmen kelispei, eńbek quqyǵynyń buzylǵanyn aityp, Túrkistan oblystyq eńbek inspektsiiasyna shaǵym túsirgen.
Aitylǵan málimet boiynsha, eńbek inspektsiiasy tekserý júrgizip, jumys berýshi taraptyń áreketin zańsyz dep tanyp, pedagogty burynǵy qyzmetine qaita ornalastyrý jóninde eki ret nusqama bergen. Alaida bul talaptar oryndalmaǵan.
Osydan keiin ustaz sotqa júgingen. Bes aiǵa jýyq ýaqyt boiy jumyssyz júrgen azamattyń aitýynsha, sot protsesi uzaqqa sozylyp ketken.
Sondai-aq 28 mamyr kúni ótken sot otyrysynda ol isti qarap jatqan sýdiaǵa qarsylyq bildirip, sot zalynan shyǵyp ketken. Al 3 maýsymda sot ony «sotqa baǵynbaý» baby boiynsha jaýapqa tartyp, bes táýlikke qamaýǵa alý týraly sheshim shyǵarǵan.
Úkim jariialanǵannan keiin pedagog ózine qol jumsaýǵa árekettengen. Qazirgi ýaqytta onyń Ordabasy aýdandyq ortalyq aýrýhanasynda em qabyldap jatqany habarlandy.
Oqiǵaǵa bailanysty resmi organdar ázirge túsinikteme bergen joq.
