Ishki ister ministrliginde BUU-nyń Esirtki jáne qylmys jónindegi basqarmasymen birlesken jobalar talqylandy, dep habarlaidy QazAqparat ministrliktiń baspasóz qyzmetine silteme jasap.
QR Ishki ister ministri Erlan Turǵymbaev Qazaqstan Respýblikasyndaǵy Birikken Ulttar Uiymynyń Esirtki jáne qylmys jónindegi basqarmasynyń Baǵdarlamalyq keńsesiniń basshysy Navid Riazben kezdesti.
Sondai-aq, is-sharaǵa Esirtki quraldarynyń, psihotroptyq zattar men olardyń prekýrsorlarynyń zańsyz ainalymyna qarsy kúres jónindegi Ortalyqaziialyq óńirlik aqparattyq úilestirý ortalyǵynyń (OAÓAÚO) direktory Miralizoda Rýstam Aziz qatysty.
Esirtki quraldarynyń, psihotroptyq zattar men olardyń prekýrsorlarynyń zańsyz ainalymyna qarsy kúres jónindegi Ortalyq Aziia óńirlik aqparattyq úilestirý ortalyǵy 2007 jyly qarashada Almaty qalasynda BUU-nyń Esirtki jáne qylmys jónindegi basqarmasynyń jobasyn iske asyrý aiasynda quryldy.
Kezdesý barysynda qatysýshylar BUU EQB jáne IIM-niń aǵymdaǵy birlesken jobalaryn, onyń ishinde OAÓAÚO qyzmeti boiynsha, BUU-nyń «ekstremistik jáne terroristik baǵyttaǵy qylmystary úshin sottalǵandarmen jumysty kúsheitýdi qoldaý jáne penitentsiarlyq mekemelerde zorlyq-zombylyq týǵyzatyn radikaldanýdyń aldyn alý» baǵdarlamasy, sondai-aq politsiia reformasy boiynsha taqyryptardy talqylady.
Qatysýshylar halyqaralyq yntymaqtastyqty keńeitý, oń tájiribe almasý arqyly ózara bailanysty arttyrýdyń mańyzdylyǵyn atap ótti. Kezdesý ózara túsinistik pen konstrýktivti dialog atmosferasynda ótti.
