Ishki ister ministri Erlan Turǵymbaev IIM-niń Maqan Esbolatov atyndaǵy Almaty akademiiasyna bardy, dep habarlaidy "Ult aqparat".
Polisia.kz saitynyń aqparatyna sáikes, bul oqý ornynda kýrsanttyń qaza bolýyna bailanysty keshendi tekserý júrgizilýde.
Ministrge tekserýdiń aldyn ala nátijeleri týraly arnaiy toptyń basshysy – IIM Kadr saiasaty departamentiniń bastyǵy Aidar Saitbekov baiandaǵan. Ol óz sózinde oqý ornynyń tek turmystyq jaǵdaiy, materialdyq-tehnikalyq jabdyqtalýy ǵana emes, oqytýshylar men kýrsanttar arasyndaǵy moraldyq-psihologiialyq ahýal da zerttelip jatqanyn aitqan.
A.Saitbekovtiń sózinshe, qazirgi ýaqytta júieli túrde zańsyz aqsha jinaý faktileri rastalmaǵan. Degenmen, kýrsanttardyń týystarynyń oqý ornyndaǵy yqtimal qysym kórsetýshilik týraly habarlamalary da muqiiat zerttelýde.
«Stýdentter arasynda áleýmettik-psihologiialyq zertteý júrgizý barysynda ózine qol jumsaǵan kýrsanttyń ártúrli syltaýlarmen týystarynan únemi aqsha suraityndyǵy anyqtaldy. Sondai-aq ózge kýrsanttardan qaryzǵa aqsha alyp, onyń kópshiligin qaitarmaǵan. Kýrsanttardyń aitýy boiynsha, ol sońǵy kezde internet-kazino men býkmekerlik keńselerge salymdar salýmen ainalysqan. Kýrsant Salamat Ótegenov týysqandary men tanystarynan túrli somalardy osy maqsatqa alyp otyrdy ma degen boljam bar. Sonymen qatar, qylmystyq isti tergeý aiasynda bolǵan oqiǵanyń barlyq nusqalary tekserilýde», – dep baiandady Ishki ister ministrine Aidar Saitbekov.
Oqý ornyn aralaý barysynda Erlan Turǵymbaev oqý úderisin uiymdastyrý máselelerimen, sondai-aq kýrsanttardyń kazarmada turý jaǵdaiymen tanysty.
Ministr sondai-aq akademiianyń oqytýshylarymen, kýrsanttarymen jáne kýrsanttardyń ata-analarymen kezdesti.
IIM basshysy jaqyn arada jańa basshylyq taǵaiyndalatynyn, onyń basty mindeti – kýrsanttardyń tártip deńgeii men kásibi daiarlyǵyn arttyrý ekenin atap ótti.
«JOO ákimshilikteri kýrsanttardyń oqý ornynda bolǵan kezeńinde olardyń qaýipsizdigin qamtamasyz etýge mindetti. Tártipti buzýǵa jol bermei jáne olarmen únemi tárbie jumysyn júrgizýi tiis. Búgingi tańda ishki ister organdary joǵary bilimdi jáne kásibi kadrlardy qajet etedi. Qazaqstan politsiiasynyń bolashaǵy oqý oryndarynyń qabyrǵasynda alatyn bilim men moraldyq-psihologiialyq daiyndyqqa bailanysty ekenin este saqtaý qajet», – dep atap ótti kezdesý barysynda Ishki ister ministri Erlan Turǵymbaev.
Vedomstvo basshysy bul qaiǵyly oqiǵa tárbie jumysyndaǵy problemalardy kórsetkenin aitty.
«Biz bolashaq politseilerdi daiyndaý baǵdarlamasyna ózgerister engizýimiz kerek. Únemi psihologiialyq monitoring júrgizý qajet», – dedi ministr.
QR IIM basshysy tergeý barysyn jeke baqylaýyna alyp, nátijesi týraly turaqty baiandaýdy tapsyrdy.
Eske salaiyq, IIM buiryǵymen ózine senip tapsyrylǵan bólinistegi uiymdastyrý jumystaryna tiisti qadaǵalaýdyń bolmaýyna bailanysty akademiia bastyǵy O.H. Smaiylov atqaryp otyrǵan laýazymynan bosatylǵan bolatyn. Sonymen qatar, akademiianyń ózge 16 jaýapty qyzmetkeri qatań tártiptik jaýapkershilikke tartyldy, olardyń 5-eýi jumystan shyǵaryldy.
