ٸشكٸ ٸستەر مينيسترٸ ەرلان تۇرعىمباەۆ ٸٸم-نٸڭ ماقان ەسبولاتوۆ اتىنداعى الماتى اكادەميياسىنا باردى, دەپ حابارلايدى "ۇلت اقپارات".
Polisia.kz سايتىنىڭ اقپاراتىنا سەيكەس, بۇل وقۋ ورنىندا كۋرسانتتىڭ قازا بولۋىنا بايلانىستى كەشەندٸ تەكسەرۋ جٷرگٸزٸلۋدە.
مينيسترگە تەكسەرۋدٸڭ الدىن الا نەتيجەلەرٸ تۋرالى ارنايى توپتىڭ باسشىسى – ٸٸم كادر ساياساتى دەپارتامەنتٸنٸڭ باستىعى ايدار سايتبەكوۆ بايانداعان. ول ٶز سٶزٸندە وقۋ ورنىنىڭ تەك تۇرمىستىق جاعدايى, ماتەريالدىق-تەحنيكالىق جابدىقتالۋى عانا ەمەس, وقىتۋشىلار مەن كۋرسانتتار اراسىنداعى مورالدىق-پسيحولوگييالىق احۋال دا زەرتتەلٸپ جاتقانىن ايتقان.
ا.سايتبەكوۆتٸڭ سٶزٸنشە, قازٸرگٸ ۋاقىتتا جٷيەلٸ تٷردە زاڭسىز اقشا جيناۋ فاكتٸلەرٸ راستالماعان. دەگەنمەن, كۋرسانتتاردىڭ تۋىستارىنىڭ وقۋ ورنىنداعى ىقتيمال قىسىم كٶرسەتۋشٸلٸك تۋرالى حابارلامالارى دا مۇقييات زەرتتەلۋدە.
«ستۋدەنتتەر اراسىندا ەلەۋمەتتٸك-پسيحولوگييالىق زەرتتەۋ جٷرگٸزۋ بارىسىندا ٶزٸنە قول جۇمساعان كۋرسانتتىڭ ەرتٷرلٸ سىلتاۋلارمەن تۋىستارىنان ٷنەمٸ اقشا سۇرايتىندىعى انىقتالدى. سونداي-اق ٶزگە كۋرسانتتاردان قارىزعا اقشا الىپ, ونىڭ كٶپشٸلٸگٸن قايتارماعان. كۋرسانتتاردىڭ ايتۋى بويىنشا, ول سوڭعى كەزدە ينتەرنەت-كازينو مەن بۋكمەكەرلٸك كەڭسەلەرگە سالىمدار سالۋمەن اينالىسقان. كۋرسانت سالامات ٶتەگەنوۆ تۋىسقاندارى مەن تانىستارىنان تٷرلٸ سومالاردى وسى ماقساتقا الىپ وتىردى ما دەگەن بولجام بار. سونىمەن قاتار, قىلمىستىق ٸستٸ تەرگەۋ اياسىندا بولعان وقيعانىڭ بارلىق نۇسقالارى تەكسەرٸلۋدە», – دەپ باياندادى ٸشكٸ ٸستەر مينيسترٸنە ايدار سايتبەكوۆ.
وقۋ ورنىن ارالاۋ بارىسىندا ەرلان تۇرعىمباەۆ وقۋ ٷدەرٸسٸن ۇيىمداستىرۋ مەسەلەلەرٸمەن, سونداي-اق كۋرسانتتاردىڭ كازارمادا تۇرۋ جاعدايىمەن تانىستى.
مينيستر سونداي-اق اكادەمييانىڭ وقىتۋشىلارىمەن, كۋرسانتتارىمەن جەنە كۋرسانتتاردىڭ اتا-انالارىمەن كەزدەستٸ.
ٸٸم باسشىسى جاقىن ارادا جاڭا باسشىلىق تاعايىندالاتىنىن, ونىڭ باستى مٸندەتٸ – كۋرسانتتاردىڭ تەرتٸپ دەڭگەيٸ مەن كەسٸبي دايارلىعىن ارتتىرۋ ەكەنٸن اتاپ ٶتتٸ.
«جوو ەكٸمشٸلٸكتەرٸ كۋرسانتتاردىڭ وقۋ ورنىندا بولعان كەزەڭٸندە ولاردىڭ قاۋٸپسٸزدٸگٸن قامتاماسىز ەتۋگە مٸندەتتٸ. تەرتٸپتٸ بۇزۋعا جول بەرمەي جەنە ولارمەن ٷنەمٸ تەربيە جۇمىسىن جٷرگٸزۋٸ تيٸس. بٷگٸنگٸ تاڭدا ٸشكٸ ٸستەر ورگاندارى جوعارى بٸلٸمدٸ جەنە كەسٸبي كادرلاردى قاجەت ەتەدٸ. قازاقستان پوليتسيياسىنىڭ بولاشاعى وقۋ ورىندارىنىڭ قابىرعاسىندا الاتىن بٸلٸم مەن مورالدىق-پسيحولوگييالىق دايىندىققا بايلانىستى ەكەنٸن ەستە ساقتاۋ قاجەت», – دەپ اتاپ ٶتتٸ كەزدەسۋ بارىسىندا ٸشكٸ ٸستەر مينيسترٸ ەرلان تۇرعىمباەۆ.
ۆەدومستۆو باسشىسى بۇل قايعىلى وقيعا تەربيە جۇمىسىنداعى پروبلەمالاردى كٶرسەتكەنٸن ايتتى.
«بٸز بولاشاق پوليتسەيلەردٸ دايىنداۋ باعدارلاماسىنا ٶزگەرٸستەر ەنگٸزۋٸمٸز كەرەك. ٷنەمٸ پسيحولوگييالىق مونيتورينگ جٷرگٸزۋ قاجەت», – دەدٸ مينيستر.
قر ٸٸم باسشىسى تەرگەۋ بارىسىن جەكە باقىلاۋىنا الىپ, نەتيجەسٸ تۋرالى تۇراقتى بايانداۋدى تاپسىردى.
ەسكە سالايىق, ٸٸم بۇيرىعىمەن ٶزٸنە سەنٸپ تاپسىرىلعان بٶلٸنٸستەگٸ ۇيىمداستىرۋ جۇمىستارىنا تيٸستٸ قاداعالاۋدىڭ بولماۋىنا بايلانىستى اكادەمييا باستىعى و.ح. سمايىلوۆ اتقارىپ وتىرعان لاۋازىمىنان بوساتىلعان بولاتىن. سونىمەن قاتار, اكادەمييانىڭ ٶزگە 16 جاۋاپتى قىزمەتكەرٸ قاتاڭ تەرتٸپتٸك جاۋاپكەرشٸلٸككە تارتىلدى, ولاردىڭ 5-ەۋٸ جۇمىستان شىعارىلدى.
