Parlament Májilisiniń jalpy otyrysynda palata depýtattary «Astyq týraly» Qazaqstan Respýblikasynyń Zańyna tolyqtyrýlar engizý týraly» zań jobasyn maquldady, dep habarlaidy "Ult aqparat".
Qujatty QR Parlamentiniń depýtattary tabiǵi jáne tehnogendik sipattaǵy tótenshe jaǵdailar týyndaǵan, tótenshe jaǵdai engizilgen kezde eldi azyq-túlik astyǵymen kepildi túrde qamtamasyz etý, sondai-aq «Azyq-túlik kelisimshart korporatsiiasy» ulttyq kompaniiasy» AQ-nyń mártebesi men rólin zańnamalyq turǵydan aiqyndaý maqsatynda ázirledi.
Zań jobasynda kózdelgen túzetýler astyqtyń turaqty jumys isteitin rezerv qoryn qalyptastyrý arqyly eldiń azyq-túlik qaýipsizdigin qamtamasyz etý deńgeiin arttyrýǵa, sonyń nátijesi retinde ishki astyq naryǵyn turaqtandyrýǵa múmkindik beredi. Budan basqa, zań jobasynda usynylyp otyrǵan jańalyqtar mal sharýashylyǵy men qus sharýashylyǵy salalaryna arnalǵan jemshóp bazasyn damytýǵa, sondai-aq tuqymdyq jáne jemdik qorlardy qalyptastyrý arqyly joǵary sapaly tuqymdar óndirisiniń kólemin ulǵaitýǵa baǵyttalǵan.
Zań jobasyn qabyldaý teris áleýmettik-ekonomikalyq, quqyqtyq jáne ózge de saldarǵa alyp kelmeidi.
Májilis depýtaty Sergei Zvolskii astyqtyń rezerv qoryn saqtaýǵa respýblikalyq biýdjetten shamamen 2,4 mlrd teńge mólsherinde jyl saiynǵy qarjy bólý talap etiletinin jetkizdi.
