Astana ákimi Áset Iskeshev jastardy egde adamdardyń úilerin jinasýda járdemdesýge shaqyrdy, - dep habarlaidy "Ult aqparat" qalalyq ishki saiasat basqarmasyna silteme jasap.
"Nur Otan" partiiasynyń elordalyq filialynyń eseptik-sailaý konferentsiiasy barysynda Astana ákimi 1 jáne 31 jeltoqsan aralyǵynda "Meiirimdi qala" aktsiiasy ótkiziletinin málim etti.
"Jyl saiyn Elbasy óz Joldaýynda áleýmettik saiasatty iske asyrý sapasyn erekshe baqylaýda ustaýdy tapsyrady. Árine, memleket óziniń barlyq áleýmettik mindetterin oryndaidy. 2016 jyly qala ákimdigimen 130 myńnan asa adam áleýmettik qoldaýmen qamtyldy. Atap aitqanda, múgedekter men zeinetkerlerge meditsinalyq kómek kórsetý, dárilik zattarmen qamtamasyz etý, tegin jáne jeńildikti sanatoriialyq-kýrorttyq emdeý jáne taǵy basqa járdem túrleri.
Sonymen qatar, Táýelsizdiktiń 25 jyldyǵyna orai qazirgi áleýmettik baǵdarlamalarǵa qosymsha "Meiirimdi qala" qaiyrymdylyq aktsiiasy qolǵa alyndy. Osy bastama aiasynda ákimdik qyzmetkerleri men vedomstvoǵa qarasty uiymdar bul aktsiiaǵa birinshi bolyp qatysady. Bul bastamany biznes-qoǵamdastyq ta qoldaidy dep úmittenemin", - dedi Astana ákimi.
Aktsiianyń maqsaty jalǵyz turyp jatqan zeinetkerler, UOS ardagerleri, barlyq toptaǵy múgedekter, múgedek balalar, turmysy tómen otbasylar, kóp balaly otbasylar, jetim balalar, onkologiialyq aýrýǵa shaldyqqan balalar, DTsP-ǵa shaldyqqan balalar jáne týberkýlezben aýyratyn balalar siiaqty azamattardyń jeńildikti sanattaryna kóńil aýdarý jáne qamqorlyq kórsetý.
Kómek azamattardyń túrli baǵyttar boiynsha, iaǵni kiim, azyq-túlik alý, jeńildikti dári-dármekter alý úshin dárihanaǵa arnalǵan sertifikattar, qatty otyn jáne basqa da túrinde kórsetiledi.
"Qoǵamda aǵa býynǵa degen qurmet pen yntymaqtastyq sezimin kúsheitý maqsatynda jastardy - jasotandyqtardy, oqý oryndaryndaǵy jastar isteri jónindegi komitetterdi jáne basqa da jastar uiymdaryn aktsiiaǵa atsalysýǵa shaqyramyn. Qarttarǵa qamqorlyq kórsetýimiz kerek.
Jalǵyz turatyn zeinetkerlerdiń úiiniń aýlasyndaǵy qardy tazalaý men páterlerin jinaýǵa, azyq-túlik satyp alýǵa kómek kórsetseńizder – bul óskeleń urpaqqa jaqsy úlgi bolady dep oilaimyn", -dep atap ótti Áset Isekeshev.
Ózektiligi men mańyzdylyǵyn eskere kele, osyndai aktsiialardy aldaǵy ýaqytta turaqty túrde ótkizý josparlanǵan.
.jpeg)