Astana ákimi Áset Isekeshev 10 mamyrda qalada júzege asyrylyp jatqan birqatar jobany qarap shyqty, - dep habarlaidy "Ult aqparat". Bul týraly qala ákimi Facebook jelisindegi paraqshasynda jazdy.
"Kulager" turǵyn úi keshenindegi №2 jáne №4 úilerdegi jol boiyna deiingi aýmaqta tolyqtai asfalt tóseledi. Onda úlken kólik turaǵy bolady. Biz turǵyndarmen jekemenshik páterler kooperativi arqyly aýlada shlagbaým ornatýǵa jáne onda kólik qoiýǵa tyiym salý máselesi jaily keliskimiz keledi. Aýlalarda balalarǵa arnalǵan alańdar men sport alańdaryn jáne kishigirim gúl baqtaryn ornatamyz", - dep jazdy qala ákimi.
Sondai-aq, elorda ákimi taǵy bir problemalyq máselelerdiń biri - kvartalishi ótpe joly jaily aityp ótti.
"Biyl Esil aýdanynda 18 ótpe jolyn salamyz. Búgin "Infiniti" turǵyn úi kesheniniń mańynda atqarylyp jatqan jumystardy qarap shyqtym. Mamyr aiynda barlyq jol men ótpe jolda asfalt tóseletin bolady. Sondai-aq, mańyzdy jobalardyń biri - eni 4,5 metrge jetetin jaiaýjoldyń qurylysy. Ol Qabanbai kóshesiniń boiynan Syǵanaq kóshesinen bastap EXPO kórmesi aýmaǵyna deiin jetedi", - dedi Áset Isekeshev.
