Aǵymdaǵy jyly elordada 10 saiabaq salynady. Bul týraly búgin «Qala DNK-si: Qoǵamdastyq. Biznes. Bilik» birinshi ýrbanistik forýmynda elorda ákimi Áset Isekeshev málim etti, dep habarlaidy "Ult aqparat" QazAqparat agenttigine silteme jasap.
«Búginde elordamyz Qazaqstandaǵy saiasi, mádeni jáne isker qalalardyń biri. Álem boiynsha da jas, tez damyp kele jatqan astanalardyń qatarynda. Elbasy Nursultan Nazarbaevtyń tapsyrmasy boiynsha qazir Astanany tabysty, jahandyq qalaǵa ainaldyrý boiynsha jumys jasap kelemiz», - dep atap ótti forýmdy ashqan qala basshysy.
Sonymen qatar ol qalada súriletin eski úilerdiń ornyna ne salynatyndyǵyn aityp berdi.
«Biz eski úilerdi súre bastadyq jáne qalalyqtardan sol oryndardan ne kórgileri keletindigin suraǵan edik. Ádette ol jerlerge jańa úi salynatyn. Qalanyń eski bóliginiń turǵyndary shaǵyn saiabaq, shaǵyn gúlbaqtary, balalar alańdary men sporttyq qurylǵylardyń bolǵanyn qalaidy eken. Biz atalǵan barlyq qajettilikterdi toptastyratyn qoǵamdyq keńistikter qura bastadyq», - dedi Áset Isekeshev.
Qala basshysynyń aitýynsha, aǵymdaǵy jyly súrilgen eski úilerdiń ornyna 19 saiabaq qurylysy bastalatyn bolady. Onyń 10-ynyń qurylysyn osy jyly aiaqtalmaq. Seifýllin kóshesiniń bas baǵyndaǵy memlekettik baǵdarlama arqyly salynǵan úilerdiń aýlasyna sporttyq balalar alańy salynǵan.
«Aqbulaq ózeniniń boiynda úlken shuńqyr bolǵan edi. Aǵymdaǵy jyly biz ony jaýyp, áp-ádemi saiabaq jasadyq. Turǵyndar riza», - dedi elorda ákimi.
