Iri salyq tóleýshiler úshin kóldeneń monitoring engiziledi. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Memleket basshysynyń tapsyrmasyna sáikes iri salyq tóleýshiler úshin kóldeneń monitoring engiziledi. Ony kvazimemlekettik iri kompaniialardan bastaimyz. Kóldeneń monitoring salyq tóleýshilerge shyǵyndardy qysqartýǵa jáne salyqtyq baqylaý sheńberinde táýekelderdi azaitýǵa múmkindik beretin tiimdi model bolyp sanalady. Sondai-aq, bul salyqtyq baqylaýǵa jumsalatyn qarajatty aitarlyqtai qysqartýǵa, ósimpuldar men aiyppuldardy boldyrmaýǵa múmkindik beredi», - dedi Qarjy ministr.
Onyń aitýynsha, qosymsha qun salyǵyn ákimshilendirýde Blockchain-tehnologiiasyn engizý josparlanýda.
«Bul salyqtardy tóleýden jaltarý táýekelin jáne qolma-qol aqshaǵa ainaldyrý mámilelerin azaitady», - dedi Erulan Jamaýbaev.
