Senbi, 10 qyrkúiek kúni, QR Premer-Ministri Álihan Smaiylov Úkimettiń Tsifrlyq keńsesinde investitsiialyq shtabtyń kezekti otyrysyn ótkizdi, onda negizgi kapitalǵa jáne tikelei sheteldik investitsiialar tartý boiynsha nysanaly indikatorlardy oryndaý qarqyny, sondai-aq basqa da birqatar máseleler qaraldy, dep habarlaidy "Ult aqparat" primeminister.kz saityna silteme jasap.
Ulttyq ekonomika ministri Álibek Qýantyrov osy jyldyń 7 aiynyń qorytyndysy boiynsha negizgi kapitalǵa salynǵan investitsiialar kólemi 6,9 trln teńgeni quraǵanyn habarlady. Jyljymaityn múlikpen operatsiialar, taý-ken ónerkásibi jáne munai óndirý, kólik jáne qoimalaý, aýyl, orman jáne balyq sharýashylyǵy, energetika jáne óńdeý ónerkásibi siiaqty salalar boiynsha aitarlyqtai ósim baiqalady.
Premer-Ministr biyl negizgi kapitalǵa quiylǵan investitsiialar boiynsha 4,5% deńgeiinde oń dinamika baiqalyp otyrǵanyn, bul rette 12 óńirdiń belgilengen nysanaly indikatorlardy oryndamaǵanyn atap ótti. Eń tómengi kórsetkishter - Shymkent qalasy, Túrkistan jáne Ulytaý oblystarynda.
«Iri kompaniialar óndiriske investitsiia salyp, jańa jumys oryndaryn ashýǵa daiyn. Olarmen jumys istep, investitsiialyq kelisimsharttar jasaý, jańa jobalar boiynsha – salyq zańnamasynyń turaqtylyǵyna kepildik berý qajet. Oblystar men memlekettik organdardyń basshylyǵy investitsiia tartý jumystaryn kúsheitip, bul máseleni erekshe baqylaýda ustaýy tiis», — dedi Álihan Smaiylov.
Óz kezeginde Syrtqy ister ministriniń orynbasary Almas Aidarov 2022 jyldyń I toqsanynda elimizge $6,8 mlrd kóleminde tikelei sheteldik investitsiia tartylǵanyn baiandady.
Osy kezeńdegi alǵashqy investorlar ondyǵyna Niderland, AQSh, Shveitsariia, Resei, Qytai, Ońtústik Koreia, Belgiia, Ulybritaniia, Frantsiia jáne Túrkiia elderi kirdi.
Investitsiialyq jobalardyń jalpyulttyq pýly himiia ónerkásibi, TMK, energetika, kólik jáne logistika, tamaq ónerkásibi, týrizm, aqparattyq-kommýnikatsiialyq tehnologiialar, munai-gaz himiiasy, aýyl sharýashylyǵy jáne t. b. salalarda 30,2 trln teńgege 797 jobany qamtidy.
Pýl jobalaryn tolyq iske asyrý shamamen 130 myń jumys ornyn qurýǵa múmkindik beredi. 2022 jyly 24 myń jumys ornyn qura otyryp, 2,98 trln teńgege 272 jobany iske qosý josparlanǵan.
Sonymen qatar qazirgi ýaqytta sheteldik kompaniialardy Qazaqstanǵa kóshirý jumystary júrgizilip jatyr. Máselen, targetteletin 310 kompaniianyń 51-i elimizde óndiristi shoǵyrlandyrý boiynsha kelissózder júrgizýde. Olardyń ishinde Honeywell, Skoda, Youngsan, EMAG, Carlsberg, Fortescue jáne t. b.. Al Canon, Philips, Kronospan, GE Healthcare, Alstom, Haier kompaniialary jáne t. b. aldyn ala kelissózder satysynda.
Premer-Ministr I toqsannyń qorytyndysy boiynsha tikelei sheteldik investitsiialar aǵynynyń 54%-ǵa oń dinamikasy tirkelgenin atap ótti.
«Qazirgi kezde birqatar investorlardyń elimizge óz óndiristerin kóshirý nietimen bailanysty múmkindikter ashylýda. Ministrler men ákimder osy baǵytta týyndaityn máselelerdi jedel sheshý úshin bar kúsh-jigerin jumsasyn», — dedi Álihan Smaiylov.
Otyrysty qorytyndylai kele, Premer-Ministr memlekettik organdar men ákimdikter barlyq josparlanǵan investitsiialyq jobalardy iske qosý boiynsha túbegeili sharalar qabyldaýy tiis ekenin atap ótti.
«Biz investitsiialar boiynsha oń dinamika bolýy úshin aldaǵy jyldarǵa berik negiz qalaýymyz kerek. Bul jumys oryndaryn qurý jáne ekonomikamyzdy ártaraptandyrý turǵysynan óte mańyzdy. Tiisti jumystar ár óńirde júrgizilýi tiis», — dep túiindedi Álihan Smaiylov.
