«Aviakerosindi satý naryǵynda áýejailar ózderiniń tariftik saiasatyna táýeldi. Óitkeni negizgi kiristi aviakerosindi qaita satý arqyly taýyp otyr. Aviatsiialyq otynnyń 72%-yn eki kompaniia baqylaidy. Olar: 54% úlesi bar «PetroSun» JShS men 18% úlesi bar «QazMunaiGaz» AQ. «PetroSun» JShS-nen kóbinese «AirAstana» AQ (45%), «Nursultan Nazarbaev halyqaralyq áýejaiy» AQ (17%), «Scat» JShS «13%), «Vines treiding» JShS (9%), «Almaty halyqaralyq áýejaiy» AQ (8%), «Qazaqair» AQ (3,3%) satyp alady. «QazMunaiGaz» AQ-nyń aviaotynyn túgeldei «QazMunaiGaz Aero» AQ satyp alady», - dep túsindirdi Serik Jumanǵarin.
Agenttik tóraǵasy byltyr ishki naryqqa arnalǵan aviotynnyń 10% satý taýar birjalary arqyly satylǵanyn atap ótti.
«Bul jaqsy tájiribe boldy. Atyraý munai óńdeý zaýytyndaǵy aviatsiialyq otynnyń ortasha ólshengen indeksi tonnasyna 247 myń teńgeden boldy. Biz biyl jolaýshylar aǵynynyń kólemi 2 mln tonnadan asatyn áýejailardyń aviakerosin satýyna tyiym salýdy usynyp otyrmyz. Óitkeni olar aviakerosin satý úshin qurylǵan joq. Qyzmet kórsetý salasyn damytýy kerek», - dedi agenttik basshysy.
