«اۆياكەروسيندٸ ساتۋ نارىعىندا ەۋەجايلار ٶزدەرٸنٸڭ تاريفتٸك ساياساتىنا تەۋەلدٸ. ٶيتكەنٸ نەگٸزگٸ كٸرٸستٸ اۆياكەروسيندٸ قايتا ساتۋ ارقىلى تاۋىپ وتىر. اۆياتسييالىق وتىننىڭ 72%-ىن ەكٸ كومپانييا باقىلايدى. ولار: 54% ٷلەسٸ بار «PetroSun» جشس مەن 18% ٷلەسٸ بار «قازمۇنايگاز» اق. «PetroSun» جشس-نەن كٶبٸنەسە «AirAstana» اق (45%), «نۇرسۇلتان نازارباەۆ حالىقارالىق ەۋەجايى» اق (17%), «Scat» جشس «13%), «ۆينەس ترەيدينگ» جشس (9%), «الماتى حالىقارالىق ەۋەجايى» اق (8%), «Qazaqair» اق (3,3%) ساتىپ الادى. «قازمۇنايگاز» اق-نىڭ اۆياوتىنىن تٷگەلدەي «قازمۇنايگاز اەرو» اق ساتىپ الادى», - دەپ تٷسٸندٸردٸ سەرٸك جۇمانعارين.
اگەنتتٸك تٶراعاسى بىلتىر ٸشكٸ نارىققا ارنالعان اۆيوتىننىڭ 10% ساتۋ تاۋار بيرجالارى ارقىلى ساتىلعانىن اتاپ ٶتتٸ.
«بۇل جاقسى تەجٸريبە بولدى. اتىراۋ مۇناي ٶڭدەۋ زاۋىتىنداعى اۆياتسييالىق وتىننىڭ ورتاشا ٶلشەنگەن يندەكسٸ تونناسىنا 247 مىڭ تەڭگەدەن بولدى. بٸز بيىل جولاۋشىلار اعىنىنىڭ كٶلەمٸ 2 ملن توننادان اساتىن ەۋەجايلاردىڭ اۆياكەروسين ساتۋىنا تىيىم سالۋدى ۇسىنىپ وتىرمىز. ٶيتكەنٸ ولار اۆياكەروسين ساتۋ ٷشٸن قۇرىلعان جوق. قىزمەت كٶرسەتۋ سالاسىن دامىتۋى كەرەك», - دەدٸ اگەنتتٸك باسشىسى.
