Qazaqstandyqtardy 6 milliard teńgeden astam somaǵa aldady dep kúdikke ilingen áiel Túrkiiadan Qazaqstanǵa deportatsiialandy, dep habarlaidy ult.kz.
Kúdikti 2021 jyldan beri halyqaralyq izdeýde bolǵan. Ol Túrkiianyń Antaliia qalasynda ustalyp, bes jylǵa jýyq ýaqyttan keiin elge qaitaryldy.
Tergeý málimetine sáikes, 46 jastaǵy áiel 2018–2020 jyldary sybailastarymen birge áreket etip, senimge kirý arqyly 1300-den astam azamattyń qarajatyn iemdengen. Jalpy keltirilgen zalal kólemi 6 milliard teńgeden asady.
26 maýsymda ol Túrkiia Respýblikasynan Qazaqstanǵa deportatsiialandy.
Aita keteiik, jyl basynan beri ishki ister organdary alaiaqtyq faktileri boiynsha 117 kúdiktini ustaǵan. Olardyń keltirgen jalpy shyǵyny 17 milliard teńgeden asqan.
