Ýkrainanyń Qaýipsizdik qyzmetiniń (ÝQQ) Bas tergeý basqarmasy «Ýkrainanyń halyqaralyq áýejelileri» tiesili Boeing 737 laineriniń Iranda apatqa ushyraýyna qatysty Qylmystyq kodekstiń úsh baby boiynsha sotqa deiingi tergeýdi bastady, dep habarlaidy "Ult aqparat" Ýkrinform-ǵa silteme jasap.
«ÝQK Bas prokýror keńsesiniń tapsyrmasy boiynsha Boeing apatynyń mán-jaiyn anyqtaý úshin Ýkraina Qylmystyq kodeksiniń 276-baby 3-bóligi (áýe kóliginiń qozǵalys qaýipsizdigi nemese eksplýatatsiiasy erejelerin buzý), 115-babynyń 2-bóligi (qasaqana kisi óltirý) jáne 194-baby (múlikti qasaqana joiý nemese búldirý) boiynsha tergeýdi bastady», - dep habarlady Qaýipsizdik qyzmetinen.
Vedomstvoda tergeýdiń osy kezeńinde aqparat jinaqtaý jalǵasyp jatqanyn atap ótti.
Buǵan deiin Bas prokýratýranyń keńsesi Irandaǵy «Ýkrainanyń halyqaralyq áýejelileri» ushaǵynyń qulaýyna qatysty qylmystyq istiń kvalifikatsiiasyn ózgertken bolatyn.
Eske salaiyq, sársenbi, 8 qańtarda Tegeran ýaqytymen 6:00-de Imam Homeini atyndaǵy áýejaidan Tegeran-Kiev baǵytymen ushqan «Ýkraina halyqaralyq áýe jelileri» áýe kompaniiasynyń Boeing-737 ushaǵy apatqa ushyrady.
Ushaq bortynda 177 adam bolǵan: 168 jolaýshy men 9 ekipaj múshesi. Onyń ishinde Irannyń – 82, Kanadanyń - 63, Ýkrainanyń - 2 + 9 (ekipaj), Shvetsiianyń – 10, Aýǵanstannyń – 4, GFR-dyń – 3, Ulybritaniianyń 3 azamaty boldy. Olardyń barlyǵy qaza tapty.
«Ýkrainanyń halyqaralyq áýe jelileri» ushaǵynyń apatqa ushyraýyna bailanysty jaýapkershilikti Irannyń áskeri-saiasi qurylymy «Islam revoliýtsiialyq ulandar korpýsy» óz moinyna aldy.
