Foto: Polisia.kz
Elde qosymshalardy paidalanýǵa salynǵan tyiym alynyp tastaldy, dep habarlaidy IRNA agenttigi.
IRNA agenttiginiń habarlaýynsha, Irannyń Kiberkeńistik joǵary keńesiniń músheleri biraýyzdan keibir tanymal sheteldik platformalarǵa, sonyń ishinde WhatsApp pen Google Play-ge kirýge qoiylǵan shekteýlerdi alyp tastaýǵa daýys berdi.
Jiynda buǵattaý saiasatyn qaita qaraý máselesi kóterilip, buǵan deiin zerdelengen túrli vedomstvolardyń pikirleri talqylanyp, osyndai sheshim qabyldandy.
Keńes músheleri otandyq platformalardy qoldaý qajettigin de atap ótti.
Aita keteiik, 2022 jyldyń qyrkúiek aiynda Iranda hidjapty durys kimegeni úshin aiyptalǵan 22 jastaǵy Mahsa Aminidiń ólimine bailanysty narazylyqtar bastalǵannan keiin elde messenjer men qoldanbalar buǵattalǵan bolatyn. Sol ýaqytta Instagram-ǵa da tyiym salyndy.
Irannyń bas prokýratýrasy 2014 jyly WhatsApp pen Viber jelilerine kirýge tyiym salýdy talap etken bolatyn.
.jpg)