فوتو: Polisia.kz
ەلدە قوسىمشالاردى پايدالانۋعا سالىنعان تىيىم الىنىپ تاستالدى, دەپ حابارلايدى يرنا اگەنتتٸگٸ.
يرنا اگەنتتٸگٸنٸڭ حابارلاۋىنشا, يراننىڭ كيبەركەڭٸستٸك جوعارى كەڭەسٸنٸڭ مٷشەلەرٸ بٸراۋىزدان كەيبٸر تانىمال شەتەلدٸك پلاتفورمالارعا, سونىڭ ٸشٸندە WhatsApp پەن Google Play-گە كٸرۋگە قويىلعان شەكتەۋلەردٸ الىپ تاستاۋعا داۋىس بەردٸ.
جيىندا بۇعاتتاۋ ساياساتىن قايتا قاراۋ مەسەلەسٸ كٶتەرٸلٸپ, بۇعان دەيٸن زەردەلەنگەن تٷرلٸ ۆەدومستۆولاردىڭ پٸكٸرلەرٸ تالقىلانىپ, وسىنداي شەشٸم قابىلداندى.
كەڭەس مٷشەلەرٸ وتاندىق پلاتفورمالاردى قولداۋ قاجەتتٸگٸن دە اتاپ ٶتتٸ.
ايتا كەتەيٸك, 2022 جىلدىڭ قىركٷيەك ايىندا يراندا حيدجاپتى دۇرىس كيمەگەنٸ ٷشٸن ايىپتالعان 22 جاستاعى ماحسا امينيدٸڭ ٶلٸمٸنە بايلانىستى نارازىلىقتار باستالعاننان كەيٸن ەلدە مەسسەنجەر مەن قولدانبالار بۇعاتتالعان بولاتىن. سول ۋاقىتتا Instagram-عا دا تىيىم سالىندى.
يراننىڭ باس پروكۋراتۋراسى 2014 جىلى WhatsApp پەن Viber جەلٸلەرٸنە كٸرۋگە تىيىم سالۋدى تالاپ ەتكەن بولاتىن.
.jpg)