قازاقستاندىق مما جاۋىنگەرٸ ەركەبۇلان توقتار تاەكۆوندوشى تاميرلان تٸلەۋلەستٸ ازييا ويىندارىنداعى تاريحي جەڭٸسٸمەن قۇتتىقتاپ, وعان بايعازى بەردٸ, دەپ حابارلايدى ult.kz.
سپورتشى ەلەۋمەتتٸك جەلٸدەگٸ پاراقشاسىندا تاميرلانمەن كەزدەسكەن سەتٸنەن ۆيدەو جارييالادى. كەزدەسۋ كەزٸندە جاس چەمپيون التىن مەدالٸن كٶرسەتكەن. ال ەركەبۇلان توقتار ونىڭ جەتٸستٸگٸنە قۋانىپ, قازاقى دەستٷرمەن 100 اقش دوللارىن بايعازى رەتٸندە تابىستاعان.
تاميرلان تٸلەۋلەس 2026 جىلعى ازييا ويىندارىندا 58 كەلٸگە دەيٸنگٸ سالماق دەرەجەسٸندە ٶنەر كٶرسەتٸپ, بٸرنەشە قارسىلاسىن جەڭگەن. ول جارىس بارىسىندا ومان, يران جەنە وڭتٷستٸك كورەيا سپورتشىلارىنان باسىم تٷسكەن.
ال شەشۋشٸ كەزدەسۋدە فيليپپين ٶكٸلٸ كۋرت برايان باربوسامەن كٷش سىناسىپ, 2:0 ەسەبٸمەن جەڭٸسكە جەتكەن.
وسىلايشا, تاميرلان تٸلەۋلەس قازاقستان تاريحىندا جازعى ازييا ويىندارىنىڭ تاەكۆوندو جارىسىنان التىن مەدال جەڭٸپ العان العاشقى سپورتشى اتاندى.
جاس چەمپيوننىڭ جەتٸستٸگٸن ەركەبۇلان توقتار دا نازاردان تىس قالدىرماي, وعان قۇرمەت كٶرسەتٸپ, اقشالاي سىيلىق بەرگەن.
ەركەبۇلان توقتار كٸم?
ەركەبۇلان توقتار – قازاقستاندىق اكتەر, ارالاس جەكپە-جەك (مما) سپورتشىسى جەنە بلوگەر. ول كينو سالاسىنداعى رٶلدەرٸمەن جەنە جەكپە-جەك الاڭىنداعى ٶنەرٸمەن كٶپشٸلٸككە تانىلعان. سپورتشى ەلەۋمەتتٸك جەلٸلەردە بەلسەندٸ بولىپ, جاتتىعۋلارى مەن جارىستارىنان بەينەجازبالار جارييالاپ تۇرادى. ەركەبۇلان اكتەرلٸك ٶنەر مەن كەسٸبي سپورتتى قاتار الىپ جٷرگەن قازاقستاندىق تانىمال تۇلعالاردىڭ بٸرٸ.
ەركەبۇلان ەربولۇلى توقتار 1995 جىلى 29 جەلتوقساندا الماتى قالاسىندا دٷنيەگە كەلگەن. ول الماتى ەنەرگەتيكا جەنە بايلانىس ۋنيۆەرسيتەتٸندە اقپاراتتىق تەحنولوگييالار ماماندىعى بويىنشا بٸلٸم العان. كەيٸن ە. ا. بٶكەتوۆ اتىنداعى قاراعاندى مەملەكەتتٸك ۋنيۆەرسيتەتٸنٸڭ زاڭ فاكۋلتەتٸن تەمامداعان. اكتەرلٸك شەبەرلٸكتٸ ارنايى كۋرستاردا مەڭگەرٸپ, كاسكادەرلٸك دايىندىقتان ٶتكەن. 2011 جىلدان باستاپ كينو تٷسٸرٸلٸمدەرٸنە قاتىسىپ, العاشقىدا شاعىن رٶلدەردٸ سومداعان. 2017 جىلى “ZOR” فيلمٸندە العاش رەت باستى رٶلگە يە بولدى. كەيٸن “زامانداستار”, “كٶكجال”, “بيشاراشكي” جەنە “ٶمٸر سٷرۋدٸ ٷيرەت” جوبالارىنا تٷستٸ. 2025 جىلى “ارلان” سپورتتىق دراماسىندا باستى كەيٸپكەردٸ سومدادى. ەركەبۇلان 2021 جىلدان باستاپ كەسٸبي ارالاس جەكپە-جەك جارىستارىنا قاتىسا باستاعان. ول OCTAGON ليگاسىندا ٶنەر كٶرسەتٸپ, سپورت جانكٷيەرلەرٸنٸڭ نازارىن اۋداردى. جەكپە-جەك ەلەمٸندە “اكتەر” لاقاپ اتىمەن تانىمال. 2025 جىلى OCTAGON ۇيىمىنىڭ BMF بەلبەۋٸن جەڭٸپ الدى. سونىمەن قاتار ەلەۋمەتتٸك جەلٸلەردە سپورتتىق دايىندىعى مەن شىعارماشىلىعىنا قاتىستى جازبالار جارييالاپ كەلەدٸ.
