Iranda apatqa ushyraǵan Ýkraina ushaǵynda Qazaqstan azamattary joq, dep habarlady búgin QR Syrtqy ister ministrliginiń baspasóz hatshysy Aibek Smadiiarov.
«Iran Syrtqy ister ministrliginiń Qazaqstannyń Tegerandaǵy elshiligine bergen aldyn-ala aqparaty boiynsha, Ýkraina áýe kompaniiasynyń qulaǵan ushaǵynyń jolaýshylary arasynda qazaqstandyqtar joq. Sonymen qatar, qazaqstandyq konsýl konsýldyq esepte turǵan Qazaqstan Respýblikasynyń barlyq azamattarymen bailanysyp jatyr», - dedi Aibek Smadiiarov.
Ol keltirgen málimetterge qaraǵanda, búgingi tańda Iranda Qazaqstan Respýblikasynyń 174 azamaty tirkelgen.
Osyǵan deiin Iranda 180 jolaýshysy bar Ýkraina ushaǵy qulaǵandyǵyn habarlaǵan bolatynbyz.
