Iranda koronavirýs juqtyrǵan eki adam qaitys boldy. Bul týraly IIR Densaýlyq saqtaý ministriniń keńesshisi Kianýsh Djahanpýr málim etti, dep habarlaidy IRNA.
«Ókinishke qarai, koronavirýs anyqtalǵan egde jastaǵy eki adam jan tapsyrdy» dep habarlady Djahanpýr.
Buǵan deiin Irannyń Densaýlyq saqtaý ministri eki adamnyń koronavirýs juqtyrǵanyn rastaǵan bolatyn.
Bul aqparatty irandyq úkimet ókili Alii Rabii de rastady.
«Birneshe minýt buryn Densaýlyq saqtaý ministri mekeme mamandarynyń baiandamasyna súiene otyryp, Kýmda koronavirýs juqtyrdy degen kúdigi bar eki adamnyń saraptamasy oń nátije kórsetkenin málim etti», - dep jazdy ol Twitter paraqshasynda.
Bul Irandaǵy alǵashqy koronavirýs juqtyrý oqiǵalary.
Eki adam qaza tapqan Kýmda beisenbi kúni mektepterdegi sabaq toqtatyldy.
19 aqpan kúngi sońǵy málimetter boiynsha Qytaida jańa koronavirýstan qaitys bolǵandar sany eki myń adamnan asty.
