يراندا كوروناۆيرۋس جۇقتىرعان ەكٸ ادام قايتىس بولدى. بۇل تۋرالى يير دەنساۋلىق ساقتاۋ مينيسترٸنٸڭ كەڭەسشٸسٸ كيانۋش دجاحانپۋر مەلٸم ەتتٸ, دەپ حابارلايدى يرنا.
«ٶكٸنٸشكە قاراي, كوروناۆيرۋس انىقتالعان ەگدە جاستاعى ەكٸ ادام جان تاپسىردى» دەپ حابارلادى دجاحانپۋر.
بۇعان دەيٸن يراننىڭ دەنساۋلىق ساقتاۋ مينيسترٸ ەكٸ ادامنىڭ كوروناۆيرۋس جۇقتىرعانىن راستاعان بولاتىن.
بۇل اقپاراتتى يراندىق ٷكٸمەت ٶكٸلٸ اليي رابيي دە راستادى.
«بٸرنەشە مينۋت بۇرىن دەنساۋلىق ساقتاۋ مينيسترٸ مەكەمە ماماندارىنىڭ بايانداماسىنا سٷيەنە وتىرىپ, كۋمدا كوروناۆيرۋس جۇقتىردى دەگەن كٷدٸگٸ بار ەكٸ ادامنىڭ ساراپتاماسى وڭ نەتيجە كٶرسەتكەنٸن مەلٸم ەتتٸ», - دەپ جازدى ول Twitter پاراقشاسىندا.
بۇل يرانداعى العاشقى كوروناۆيرۋس جۇقتىرۋ وقيعالارى.
ەكٸ ادام قازا تاپقان كۋمدا بەيسەنبٸ كٷنٸ مەكتەپتەردەگٸ ساباق توقتاتىلدى.
19 اقپان كٷنگٸ سوڭعى مەلٸمەتتەر بويىنشا قىتايدا جاڭا كوروناۆيرۋستان قايتىس بولعاندار سانى ەكٸ مىڭ ادامنان استى.
