Iranda el prezidenti Hasan Rýhanidyń jarlyǵymen seisenbi kúni COVID-19-ǵa qarsy reseilik «Spýtnik V» preparatymen vaktsinatsiialaý bastaldy, dep habarlaidy IRNA agenttigi.
Tegerandaǵy Imam Homeini aýrýhanasynda ótken resmi jiynǵa Irannyń densaýlyq saqtaý ministri Said Namaki qatysty.
Iranda «Spýtnik V» reseilik vaktsinasyn birinshi bolyp alǵan adam eldiń densaýlyq saqtaý ministriniń uly boldy.
Densaýlyq saqtaý ministriniń aitýynsha, birinshi kezeńde vaktsinany qarqyndy terapiia bólimshesiniń meditsinalyq qyzmetkeri alady. Vaktsinatsiia tegin júrgiziledi.
4 aqpanda Tegeranǵa «Spýtnik V» vaktsinasynyń alǵashqy partiiasy tielgen ushaq kelgen bolatyn. Elge sondai-aq, osy aidyń ishinde AstraZeneca vaktsinasynyń 4,2 mln dozasy jetkiziledi. Sonymen qatar, Iran koronavirýsqa qarsy vaktsinany Qytai men Úndistannan satyp alýdy josparlap otyr.
