يراندا ەل پرەزيدەنتٸ حاسان رۋحانيدىڭ جارلىعىمەن سەيسەنبٸ كٷنٸ COVID-19-عا قارسى رەسەيلٸك «سپۋتنيك V» پرەپاراتىمەن ۆاكتسيناتسييالاۋ باستالدى, دەپ حابارلايدى يرنا اگەنتتٸگٸ.
تەگەرانداعى يمام حومەيني اۋرۋحاناسىندا ٶتكەن رەسمي جيىنعا يراننىڭ دەنساۋلىق ساقتاۋ مينيسترٸ سايد ناماكي قاتىستى.
يراندا «سپۋتنيك V» رەسەيلٸك ۆاكتسيناسىن بٸرٸنشٸ بولىپ العان ادام ەلدٸڭ دەنساۋلىق ساقتاۋ مينيسترٸنٸڭ ۇلى بولدى.
دەنساۋلىق ساقتاۋ مينيسترٸنٸڭ ايتۋىنشا, بٸرٸنشٸ كەزەڭدە ۆاكتسينانى قارقىندى تەراپييا بٶلٸمشەسٸنٸڭ مەديتسينالىق قىزمەتكەرٸ الادى. ۆاكتسيناتسييا تەگٸن جٷرگٸزٸلەدٸ.
4 اقپاندا تەگەرانعا «سپۋتنيك V» ۆاكتسيناسىنىڭ العاشقى پارتيياسى تيەلگەن ۇشاق كەلگەن بولاتىن. ەلگە سونداي-اق, وسى ايدىڭ ٸشٸندە AstraZeneca ۆاكتسيناسىنىڭ 4,2 ملن دوزاسى جەتكٸزٸلەدٸ. سونىمەن قاتار, يران كوروناۆيرۋسقا قارسى ۆاكتسينانى قىتاي مەن ٷندٸستاننان ساتىپ الۋدى جوسپارلاپ وتىر.
