Iranda eki eldiń bailanystary týraly kóptegen eńbekterdiń avtory, Iran qazaqtarynyń tarihyn zertteýshi, Abai óleńderi men prozasynyń parsy tiline aýdarmashysy Qajymuhamet Shatqamǵa II dárejeli «Dostyq» ordenin tabys etý rásimi ótti, dep habarlaidy "Ult aqparat" QR SIM baspasóz qyzmetine silteme jasai otyryp.
Abai Qunanbaiulynyń murasyn nasihattaýǵa sińirgen eńbekteri úshin ony marapatpen nagradtaý týraly Jarlyqqa Prezident Qasym-Jomart Toqaev 2020 jylǵy 4 tamyzda qol qoiǵan bolatyn.
Orden tapsyrylǵannan keiin Q.Shatqam Abai eńbekterin zerdeleýge arnaǵan 20 jyldyq eńbegin joǵary baǵalaǵany úshin Qazaqstan basshylyǵyna alǵys aitty. Ol uly aqynnyń dúnietanymynyń kóptegen belgileri, sondai-aq Qazaqstannan shyqqan basqa da ataqty Ábý Nasyr ál-Farabidiń de qazaqtarǵa, parsylarǵa jáne arabtarǵa ǵana emes, búkil adamzatqa ortaqtyǵyn atap ótti. Ol óziniń tarihi otanyna tabys tilep, aldaǵy ýaqytta da Iranmen mádeni bailanystarynyń damýyna óz úlesin qosýǵa nietti ekenin málimdedi.
Is-sharanyń jalǵasy retinde Qazaqstannyń Gorgan qalasyndaǵy Bas konsýldyǵy janyndaǵy Abai ortalyǵynyń saltanatty ashylýy ótti. Oǵan Qazaqstan Elshisi Ashat Orazbai, Irannyń Gúlstan provintsiiasy gýbernatorynyń birinshi orynbasary Ibrahim Karim, Gorgan qalasy ákimshiliginiń jáne qazaq diasporasynyń ókilderi qatysty.
A. Orazbai qazirgi qazaq jazba ádebietiniń negizin qalaýshynyń jarqyn shyǵarmashylyǵy týraly egjei-tegjeili aityp, onyń qalyptasýyna Iran men Shyǵys pen Batystyń basqa da elderi poeziiasynyń klassikteriniń shyǵarmalary eleýli yqpal etkenin atap ótti. Elshi aqyn retinde ǵana emes, óz halqyn únemi jańa bilim izdeýge jáne ǵylymdardy túsinýge shaqyrǵan iri oishyl jáne aǵartýshy retinde onyń qundy ziiatkerlik murasyna erekshe toqtaldy.
Gúlstan provintsiiasy gýbernatorynyń birinshi orynbasary ál-Farabidyń 1150 jáne Abaidyń 175 jyldyq mereitoilarynyń eki el halyqtar arasyndaǵy dostyq pen yntymaqtastyqty damytýdaǵy erekshe mańyzdylyǵyn atap ótti. Qazaqstannyń Mańǵystaý oblysy men Irannyń Gúlstan provintsiiasy arasynda ornatylǵan ornaǵan ózara yntymaqtastyq sheńberinde saýda-ekonomikalyq, mádeni, bilim, týristik jáne emdik týrizmdi damytýda igi qadamdar jasalýda. Gorgan men Aqtaý arasynda tikelei áýe qatynasyn ornatý, gúlstandyq biznesmenderdiń Mańǵystaý oblysynda investitsiialyq jobalardy iske asyrý, ózara mádeni-sporttyq sharalardy ótkizý boiynsha kelisýler júrgizilýde, dep jariialady I.Karimi.
Is-shara qonaqtaryna ál-Farabi men Abaidyń ómiri men shyǵarmashylyǵy, sondai-aq qazirgi Qazaqstan týraly baspa jáne illiýstratsiialyq materialdar taratyldy.
Osy is-sharaǵa qatysý sheńberinde Gúlstan provintsiiasyna jasaǵan issapary barysynda A.Orazbai óńirdegi qazaq qandastarymyzdyń belsendilerimen kezdesýler ótkizip, qazaqtar turatyn eldi mekenderde boldy. Suhbattar barysynda Elshi Qazaqstanda bolyp jatqan oń ózgerister týraly baiandap, elimizdiń kóshi-qon saiasaty men shet elderdegi qandastarymyzǵa kórsetilip otyrǵan qoldaýlar jóninde áńgimelep berdi.
Qazaq diasporasy jinaqy ornalasqan Gorgan qalasynda ashylǵan ortalyq irandyqtarǵa elimizdiń mádenieti men ǵylymy týraly ǵana emes, onyń ózekti saiasi, ekonomikalyq jáne áleýmettik jetistikteri týraly kóbirek bilýge múmkindik beredi.
